ໃນລະຫວ່າງວັນທີ່ 29-31 / 03 / 2022 ຜ່ານມານີ້ ທ່ານ ອຸ່ນ ດວງມະນີ ຮອງເລຂາທິການ ສະມາຊີກສະພາປະຊາຊົນແຂວງ ປະຈຳເຂດເລືອກຕັ້ງເມືອງ ນານ ໄດ້ລົງຜັນຂະຫຍາຍຜົນສຳເລັດ ກອງປະຊູມສະໄໝສາມັນເທື່ອທີ2 ຂອງສະພາປະຊາຊົນແຂວງຊຸດທີ II ຢູ່ 4 ຈຸດຂອງ ກູ່ມນາເມືອງ ເມືອງນານກວມເອົາ 5 ບ້ານ ຄື: ບ້ານ ຜາໜີບ, ບ້ານ ນາເມືອງກາງ, ບ້ານ ຫ້ວຍລາດ, ບ້ານ ປົ່ງດົງ ແລະ ບ້ານ ນາເມືອງໃຫຍ່, ມີການຈັດຕັ້ງບ້ານ, ເຖົ້າແກ່ແນວໂຮມ, ປະຊາຊົນພາຍໃນບ້ານເຂົ້າຮ່ວມຮັບຟັງທັງໝົດ 388 ທ່ານ, ຍີງ 183 ທ່ານ.
ການລົງມາເຄື່ອນໄຫວພົບປະພໍ່ແມ່ປະຊາຊົນໃນຄັ້ງນີ້ ທ່ານໄດ້ຮັບຟັງການລາຍງານການຈັດຕັ້ງປະຕິບັດແຜນພັດທະນາເສດຖະກິດສັງຄົມໂດຍຫຍໍ້ຂອງແຕ່ລະບ້ານ, ຫຼັງຈາກນັ້ນທ່ານກໍ່ໄດ້ນຳເອົາເນື້ອໃນຈິດໃຈ ຜົນສຳເລັດກອງປະຊູມສະພາປະຊາຊົນຂັ້ນແຂວງມາເຜີຍແຜ່ເຜີຍແຜ່ເຊື່ອມຊືມ ໃຫ້ພໍ່ແມ່ພີ້ນ້ອງປະຊົນບັນດາເຜົ່າໄດ້ຮັບຮ ຼ້ແລະ ເຂົ້າໃຈບັນຫາສຳຄັນຕ່າງໆຂອງແຂວງ ທີ່ໄດ້ນຳມາພິຈາລະນາຮັບຮອງເອົາຢູ່ໃນກອງປະຊູມ ແລະ ໄດ້ຮັບຟັງຄຳຄິດເຫັນ, ບັນຫາຂໍ້ຂັດຂ້ອງໝອງໃຈຂອງພໍ່ແມ່ພີ້ນ້ອງຢູ່ພາຍໃນແຕ່ລະບ້ານ ເຊີ່ງທ່ານກໍ່ໄດ້ອະທິບາຍຊີ້ແຈງບາງຄຳສະເໜີ ແລະ ຮັບເອົາຄຳສະເໜີຂອງປະຊາຊົນ ເພື່ອນຳເອົາມາພິຈາລະນາ ປຶກສາຫາລື, ຊກຍູ້ໃຫ້ຂະແໜງການກ່ຽວຂ້ອງແກ້ໄຂຕາມລະບຽບກົດໝາຍທີ່ວາງໄວ້, ໃນຕອນທ້າຍຂອງກອງປະຊູມທ່ານຍັງໃດ້ໂອ້ລົມເນັ້ນໜັກການປະກອບສ່ວນຊ່ວຍສັງຄົມ ໃນການພັດທະນາບ້ານ ການສົ່ງເສີມການປູກ,ການລ້ຽງ, ການຮັກສາຮີດຄອງປະເພນີອັນດີງາມຂອງແຕ່ລະເຜົ່າ ແລະ ການແກ້ໄຂປະກົດການຫຍໍ້ທໍ່ໃນສັງຄົມ , ໂອກາດດຽວກັນນີ້ທ່ານກໍ່ໄດ້ນຳເອົາອຸປະກອນນຳໃຊ້ຄົວເຮືອນ ແລະ ເຄື່ອງນຸ່ງຈຳນວນໜື່ງມອບໃຫ້ອຳນາດການປົກຄອງບ້ານ ແລະ ມອບໃຫ້ຄອບຄົວທຸກຍາກ.
ພາບ ແລະ ຂ່າວ ສາຍເຄນ ປານວິໄລ