ຕອນເຊົ້າວັນທີ 29 ມິຖຸນາ 2022 ນີ້. ສະພາປະຊາຊົນ (ສພຂ) ອັດຕະປື ໄດ້ຈັດກອງປະຊຸມ ປືກສາຫາລືໃນການກະກຽມກອງປະຊຸມສະໄໝສາມັນເທື່ອ3 ຂອງ ສພຂ ຊຸດທີ II. ຂຶ້ນທີ່ຫ້ອງປະຊຸມນ້ອຍຂອງຕົນ. ໂດຍການເຂົ້າຮ່ວມຂອງທ່ານ ນາງ ແສງອາລຸນ ວົງສາທິການ ກຳມະການຄະນະປະຈໍາ, ເລຂາທິການ ສພຂ, ມີບັນດາທ່ານຄະນະກຳມະການ,ຄະນະເລຂາທິການ ແລະ ຫົວຫນ້າ-ຮອງຫົວໜ້າຂະແໜງພາຍໃນ ສພຂ ເຂົ້າຮ່ວມ.
ກອງປະຊຸມ,ໄດ້ແລກປ່ຽນຄົ້ນຄວ້າປືກສາຫາລື ຕໍ່ກັບການກະກຽມກອງປະຊຸມສະໄໝສາມັນເທື່ອທີ 3ຂອງ ສພຂ ຊຸດທີII. ເປັນຕົ້ນແມ່ນດ້ານເນື້ອໃນ, ດ້ານພິທີການແລະຮັບແຂກ,ດ້ານງົບປະມານແລະການເງີນ,ດ້ານໂຄສະນາປະຊາສຳພັນ ແລະ ໂທລະສັບສາຍດ່ວນ,ດ້ານປ້ອງກັນຄວາມສະຫງົບ ແລະຮັກສາສຸຂະພາບ ເພື່ອຮັບປະກັນເຮັດໃຫ້ກອງປະຊຸມທີ່ຈະຈັດຂື້ນມີຄວາມຮັດກຸມດ້ານປະລິມານ ແລະ ຄຸນນະພາບ ສາມາດດຳເນີນທັນຕາມກຳນົດເວລາທີ່ກຳນົດໄວ້.
(ພາບ-ຂ່າວ:ວິນັດ ສພຂ)