ກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນແຂວງ ອັດຕະປື ຊຸດທີ II ໄຂຂຶ້ນຢ່າງເປັນທາງການໃນຕອນເຊົ້າວັນທີ 30 ສິງຫາ 2023 ນີ້. ທີ່ຫ້ອງປະຊຸມສະພາປະຊາຊົນແຂວງ ພາຍໃຕ້ການເປັນປະທານຂອງທ່ານ ນາງ ມີນາພອນ ໄຊສົມພູ  ປະທານສະພາປະຊາຊົນແຂວງ ອັດຕະປື, ເປັນກຽດເຂົ້າຮ່ວມມີທ່ານ ປອ ນາງ ສູນທອນ ໄຊຍະຈັກ ເລຂາທິການສູນກາງພັກ ຮອງປະທານສະພາແຫ່ງຊາດ, ທ່ານ ເລັດ ໄຊຍະພອນ ເຈົ້າແຂວງໆອັດຕະປື, ມີບັນດາທ່ານຄະນະປະຈໍາພັກແຂວງ, ກໍາມະການພັກແຂວງ, ສະມາຊິກສະພາແຫ່ງຊາດ ປະ​ຈຳເຂດເລືອກຕັ້ງທີ17, ສະມາຊິກສະພາປະຊາຊົນແຂວງ, ພະແນກການ, ແນວລາວສ້າງຊາດ, ອົງການຈັດຕັ້ງມະຫາຊົນ, ເຈົ້າເມືອງ,  ອາດີດການນໍາພັກ-ລັດແຂວງ, ນັກທຸລະກິດ ແລະ ແຂກທີ່ຖືກເຊີນເຂົ້າຮ່ວມ.

ໃນກອງປະຊຸມ ທ່ານ ນາງ ມີນາພອນ ໄຊສົມ ໄດ້ກ່າວສູນທອນພົດໄຂກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນແຂວງ ອັດຕະປື ຊຸດທີ II ວ່າ: ກອງປະຊຸມ ຈະໄດ້ສຸມໃສ່ພິຈາລະນາ ແລະ ຮັບຮອງເອົາບັນດາເນື້ອໃນພື້ນຖານທີ່ສໍາຄັນ ຂອງແຂວງດັ່ງນີ້: ບົດລາຍງານໂດຍສັງເຂບ ຂອງທ່ານເຈົ້າແຂວງ ກ່ຽວກັບການຈັດຕັ້ງປະຕິບັດວຽກງານທີ່ພົ້ນເດັ່ນຂອງແຂວງ   ໄລຍະກາງສະໄໝ  ຂອງແຜນການ  5 ປີ ( 2021-2025 ), ກໍານົດທິດທາງແຜນການທ້າຍສະໄໝ ແລະ ການຈັດຕັ້ງປະຕິບັດ 6 ເດືອນຕົ້ນປີ  ແລະ ທິດທາງແຜນວຽກງານຈຸດສຸມ 6 ເດືອນທ້າຍປີ 2023; ບົດລາຍງານ ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ໄລຍະກາງສະໄໝ  ຂອງແຜນການ  5 ປີ ( 2021-2025 ), ກໍານົດທິດທາງແຜນການທ້າຍສະໄໝ ແລະ ການຈັດຕັ້ງປະຕິບັດ 06 ເດືອນຕົ້ນປີ ແລະ ແຜນການ 06 ເດືອນທ້າຍປີ 2023; ບົດລາຍງານ ກ່ຽວກັບການຈັດຕັ້ງປະຕິບັດ ແຜນງົບປະມານແຫ່ງລັດ ຂັ້ນແຂວງ ໄລຍະກາງສະໄໝ  ຂອງແຜນການ  5 ປີ ( 2021-2025 ), ກໍານົດທິດທາງແຜນການທ້າຍສະໄໝ ແລະ ການຈັດຕັ້ງປະຕິບັດ 06 ເດືອນຕົ້ນປີ ແລະ ແຜນການ 06 ເດືອນທ້າຍປີ 2023; ບົດລາຍງານ ກ່ຽວກັບການຈັດຕັ້ງປະຕິບັດ 2 ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ແຂວງ ອັດຕະປື; ບົດລາຍງານ ກ່ຽວກັບການຈັດຕັ້ງປະຕິບັດ ວຽກງານຂອງອົງການໄອຍະການປະຊາຊົນແຂວງ ໄລຍະກາງສະໄໝ  ຂອງແຜນການ  5 ປີ ( 2021-2025 ), ກໍານົດທິດທາງແຜນການທ້າຍສະໄໝ ແລະ ການຈັດຕັ້ງປະຕິບັດ 06 ເດືອນຕົ້ນປີ ແລະ ແຜນການ 06 ເດືອນທ້າຍປີ 2023; ບົດລາຍງານ ກ່ຽວກັບການຈັດຕັ້ງປະຕິບັດ ວຽກງານຂອງສານປະຊາຊົນແຂວງ ໄລຍະກາງສະ  ໄໝ  ຂອງແຜນການ  5 ປີ ( 2021-2025 ), ກໍານົດທິດທາງແຜນການທ້າຍສະໄໝ ແລະ ການຈັດຕັ້ງປະຕິບັດ 06 ເດືອນຕົ້ນປີ ແລະ ແຜນການ 06 ເດືອນທ້າຍປີ 2023; ບົດລາຍງານ ຂອງຄະນະປະຈໍາສະພາປະຊາຊົນແຂວງ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານ  ໄລຍະກາງສະໄໝ  ຂອງແຜນການ  5 ປີ ( 2021-2025 ), ກໍານົດທິດທາງແຜນການທ້າຍສະໄໝ ແລະ ການຈັດຕັ້ງປະຕິບັດ 06 ເດືອນຕົ້ນປີ ແລະ ແຜນການ 06 ເດືອນທ້າຍປີ 2023; ພິຈາລະນາ, ແລະ ຮັບຮອງເອົາການສ້າງນິຕິກໍາໃຕ້ກົດໝາຍ ຈໍານວນ 01 ສະບັບ ຄື: ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການປະເມີນລາຄາທີ່ດີນໃນທົ່ວແຂວງ ອັດຕະປື; ກອງປະຊຸມຈະໄດ້ຮັບຟັງການຊີ້ແຈງຈາກພະແນກແຜນການ-ການລົງທືນ, ພະແນກການເງີນແຂວງ, ພະແນກຊັບພະຍາກອນທໍາມະຊາດ ແລະ ສີ່ງແວດລ້ອມ ແຂວງ, ພະແນກພະລັງງານ ແລະ ບໍ່ແຮ່, ພະແນກໂຍທາທິການ ແລະ ຂົນສົ່ງ, ພະແນກອຸດສະຫະກໍາ ແລະ ການຄ້າ, ພະແນກກະສິກຳ-ປ່າໄມ້ແຂວງ, ພະແນກ ແຮງງານ ແລະ ສະຫວັດດີການ-ສັງຄົມແຂວງ, ສາທາລະນະສຸກແຂວງ, ພະແນກສືກສາ-ກິລາແຂວງ  ແລະ ຂະແໜງການອື່ນໆ ທີ່ກ່ຽວຂ້ອງຕໍໍ່ຂໍ້ຊັກຖາມຂອງຄະນະປະຈໍາສະພາປະຊາຊົນແຂວງ ແລະ ຈະໄດ້ພ້ອມກັນລົງຄະແນນສຽງປະເມີນຄວາມໄວ້ວາງໃຈ ກາງສະໄໝ ຕໍ່ບຸກຄະລາກອນດຳລົງຕໍ່າແໜ່ງ ທີ່ສະພາປະຊາຊົນແຂວງ ຊຸດທີ II ເລືອກຕັ້ງ ແລະ ຮັບຮອງເອົາການແຕ່ງຕັ້ງ. (ວິນັດ)