(ສພຊ) – ຕອນເຊົ້າວັນທີ 1 ຕຸລານີ້ ທີ່ສະພາແຫ່ງຊາດ, ທ່ານ ວັນໄຊ ພອງສະຫວັນ ເຈົ້າແຂວງໆຄໍາມ່ວນ ພ້ອມດ້ວຍຄະນະ ໄດ້ນໍາເງິນສົດ 1 ຕື້ກີບ ແລະ ເສື້ອ 500 ຜືນ ລວມມູນຄ່າ 1 ຕື້ກວ່າກີບ ມາມອບໃຫ້ສະພາແຫ່ງຊາດ ເພື່ອປະກອບສ່ວນສະໜັບສະໜູນກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ ຫຼື ໄອປາ (AIPA) ຄັ້ງທີ 45 ເຊິ່ງກ່າວຮັບໂດຍທ່ານ ນາງ ອໍາໄພວອນ ລ້ອມບຸນແພງ ເລຂາທິການສະພາແຫ່ງຊາດ, ການມອບ-ຮັບຄັ້ງນີ້ ມີທ່ານ ປອ. ໄຊສົມພອນ ພົມວິຫານ ປະທານສະພາແຫ່ງຊາດ ພ້ອມດ້ວຍຕາງໜ້າທັງສອງຝ່າຍເຂົ້າຮ່ວມເປັນສັກຂີພະຍານ.

ໂອກາດດັ່ງກ່າວ, ທ່ານປະທານສະພາແຫ່ງຊາດ ໄດ້ກ່າວຄຳຂອບໃຈຕໍ່ແຂວງຄໍາມ່ວນ ທີ່ໄດ້ປະກອບສ່ວນສະໜັບສະໜູນກອງປະຊຸມຄັ້ງນີ້ ແລະ ໄດ້ມອບໃບຍ້ອງຍໍຂອງຄະນະປະຈໍາສະພາແຫ່ງຊາດ ໃຫ້ແຂວງຄໍາມ່ວນອີກດ້ວຍ.

(ນາງ ສຸມົນທາ ງາໄຊ)