(ສພຊ) – ທ່ານ ຄໍາຜ່ອງ ແສງສະຫວ່າງ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 1 ນະຄອນຫຼວງວຽງຈັນ ໄດ້ປະກອບຄຳເຫັນຕໍ່ບົດລາຍງານຂອງລັດຖະບານ ເມື່ອວັນທີ 20 ພະຈິກຜ່ານມາ ໃນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ IX:

1. ວຽກງານສຶກສາ: ສະເໜີໃຫ້ພິຈາລະນາການເພີ່ມເງິນອຸດໜູນອາຫານກາງເວັນໃຫ້ແກ່ນັກຮຽນ 560 ກວ່າໂຮງຮຽນທີ່ໄດ້ຮັບການຊ່ວຍເຫຼືອຈາກອົງການຈັດຕັ້ງສາກົນ, ລັດຖະບານເພີ່ມເງິນໃຫ້ພຽງແຕ່ 1,000 ກີບ ສະ ເໜີວ່າຄວນຂຶ້ນຕື່ມເປັນ 5,000 ກີບຕໍ່ຄາບ ເພາະເພີ່ມເງິນອາຫານກາງເວັນໃຫ້ນັກຮຽນປະຖົມ ຈະເປັນວິທີໜຶ່ງທີ່ແກ້ໄຂການປະລະຂອງນັກຮຽນ ແລະ ຈະເຮັດໃຫ້ຄູກັບນັກຮຽນມີຄວາມຜູກພັນກັນດີຂຶ້ນ, ຖ້າສົມທຽບໃສ່ອັດຕານັກໂທດຕ້ອງຫາ ຜູ້ໜຶ່ງ 9,500 ກີບ ແມ່ນຫຼຸດໂຕນກັນຫຼາຍ; ເຮົາລົງທຶນໃສ່ການສຶກສາ ເດັກນ້ອຍໃນມື້ນີ້ຈະເປັນຜູ້ໃຫຍ່ໃນມື້ໜ້າ ຈະເປັນການລົງທຶນໃຫ້ແກ່ການສ້າງຊັບພະຍາກອນມະນຸດທີ່ມີຄຸນນະພາບສູງທີ່ສຸດ.

2. ຊ່ວຍພິຈາລະນາກ່ຽວກັບລັດຖະບັນຍັດຂອງນະຄອນຫຼວງວຽງຈັນ ມີ 2 ສະບັບ: 1. ເວົ້າເລື່ອງສ້າງນະນອນຫຼວງ ແລະ 2. ເງິນບໍລິການ; ຖ້າວ່າລັດຖະບານແກ້ໄຂ ເງິນທ້ອງຖິ່ນທີ່ນະຄອນຫຼວງເກັບໄດ້ ໃຫ້ 18% ເສັ້ນ ທາງພື້ນຖານໂຄງລ່າງ, ໜີ້ສາທາລະນະ ຈະບໍ່ເປັນແບບນີ້.