ຕອນເຊົ້າຂອງວັນທີ 11 ທັນວາ 2023 ຢູ່ທີ່ຫ້ອງປະຊຸມສະພາປະຊາຊົນແຂວງ, ໜ່ວຍພັກສະພາປະຊາຊົນແຂວງ ໄດ້ເປີດກອງປະຊຸມເຜີຍແຜ່, ເຊື່ອມຊຶມ ແລະ ຜັນຂະຫຍາຍ ເອກະສານສໍາຄັນຕ່າງໆຂອງພັກ, ໂດຍການເປັນປະທານຂອງສະຫາຍ ທອງຄານ ວັດສະດາກອນ ເລຂາໜ່ວຍພັກສະພາປະຊາຊົນແຂວງ, ມີສະຫາຍ ຄໍາດີ ວົງລ້ອມ ຮອງເລຂາພັກແຂວງ, ບັນດາສະຫາຍຄະນະພັກ, ສະມາຊິກພັກສົມບູນ ແລະ ສໍາຮອງ ພາຍໃນໜ່ວຍພັກສະພາປະຊາຊົນແຂວງ ເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ຮັບຟັງການເຜີຍແຜ່, ເຊື່ອມຊຶມ ແລະ ຜັນຂະຫຍາຍ ເອກະສານສໍາຄັນຕ່າງໆຂອງພັກເຊັ່ນ: ຄໍາສັ່ງແນະນໍາຂອງຄະນະເລຂາທິການສູງກາງພັກ ເລກທີ 434/ຄລສພ ວ່າດ້ວຍການເຊື່ອມຊຶມ ແລະ ຜັນຂະຫຍາຍຜົນສໍາເລັດກອງປະຊຸມຄົບຄະນະກາງສະໄໝຂອງຄະນະບໍລິຫານງານສູນກາງພັກ ສະໄໝທີ XI; ຄໍາແນະນໍາຂອງຄະນະໂຄສະນາອົບຮົມສູງກາງພັກ ເລກທີ 232/ຄລສພ ກ່ຽວກັບການຈັດຕັ້ງປະຕິບັດຄໍາສັງແນະນໍາຂອງຄະນະເລຂາທິການສູງກາງພັກ ເລກທີ 434/ຄລສພ; ມະຕິກອງປະຊຸມຄົບຄະນະກາງສະໄໝຂອງຄະນະບໍລິຫານງານສູນກາງພັກ ສະໄໝທີ XI ຕິດພັນກັບມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານພັກແຂວງອຸດົມໄຊ ສະໄໝທີ IX; ເອກະສານຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ ຕິດພັນກັບການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງກາງສະໄໝ; ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ໄລຍະກາງສະໄໝ ຕິດພັນກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ 5 ປີ ຄັ້ງທີ IX ໄລຍະກາງສະໄໝ; ບົດສໍາຫຼວດການນໍາພາລວມຂອງຄະນະບໍລິຫານງານສູນກາງພັກ ໄລຍະກາງສະໄໝ ຕິດພັນບົດສໍາຫຼວດການນໍາພາລວມຂອງຄະນະບໍລິຫານງານພັກແຂວງ ໄລຍະກາງສະໄໝ; ມະຕິຂອງຄະນະບໍລິຫານງານສູນກາງພັກ ວ່າດ້ວຍ ສືບຕໍ່ຍູ້ແຮງການຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານໃນການນໍາພາຂອງພັກ ເລກທີ 5/ຄບສພ, ລົງວັນທີ 5 ກັນຍາ 2023; ແຜນດໍາເນີນງານຂອງຄະນະບໍລິຫານງານສູນກາງພັກ 432/ຄລສພ, ລົງວັນທີ 8 ກັນຍາ 2023 ເພື່ອຜັນຂະຫຍາຍມະຕິຂອງຄະນະບໍລິຫານງານສູນກາງພັກ ວ່າດ້ວຍ ສືບຕໍ່ຍູ້ແຮງການຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ ໃນການນໍາພາຂອງພັກ; ຄໍາສັ່ງຂອງຄະນະເລຂາທິການສູງກາງພັກ ວ່າດ້ວຍການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງພັກ ເລກທີ 411/ຄລສພ, ລົງວັນທີ 8 ສິງຫາ 2023; ຄໍາແນະນໍາຂອງຄະນະຈັດຕັ້ງສູນກາງພັກ ວ່າດ້ວຍການຈັດຕັ້ງປະຕິບັດຄໍາສັ່ງຂອງຄະນະເລຂາທິການສູງກາງພັກ ວ່າດ້ວຍການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງພັກ ສະບັບເລກທີ 211/ຄຈສພ, ລົງວັນທີ 16 ສິງຫາ 2023; ມະຕິຂອງຄະນະປະຈໍາພັກແຂວງ ວ່າດ້ວຍການຈັດຕັ້ງຜັນຂະຫຍາຍ ນິຕິກໍາ ກອງປະຊຸມໃຫຍ່ 3 ຂັ້ນ ຂອງພັກ ໃນຂອບເຂດທົ່ວແຂວງອຸດົມໄຊ; ມະຕິຂອງຄະນະປະຈໍາພັກແຂວງ ວ່າດ້ວຍການແຕ່ງຕັ້ງຄະນະຊີ້ນໍາລວມ ແລະ ຄະນະຊີ້ນໍາດ້ານຕ່າງໆ ໃນການກະກຽມ ແລະ ດໍາເນີນກອງປະຊຸມໃຫຍ່ຂອງອົງຄະນະພັກເມືອງ, ກອງບັນຊາການ ປກຊ-ປກສ, ຮາກຖານພັກອ້ອມຂ້າງແຂວງ, ເມືອງ ແລະ ຮາກຖານບ້ານ ສະບັບເລກທີ 1146/ຄປພຂ, ລົງວັນທີ 31 ຕຸລາ 2023; ແຜນດໍາເນີນງານຂອງຄະນະປະຈໍາພັກແຂວງ ກ່ຽວກັບການກະກຽມ ແລະ ດໍາເນີນກອງປະຊຸມໃຫຍ່ອົງຄະນະພັກເມືອງ, ກອງບັນຊາການ ປກຊ-ປກສ ແຂວງ, ອົງການຈັດຕັ້ງມະຫາຊົນ, ສະຫະພັນນັກຮົບເກົ່າແຂວງ ສະບັບເລກທີ 1204/ຄປພຂ, ລົງວັນທີ 1 ພະຈິກ 2023; ແຈ້ງການແນະນໍາຂອງຄະນະກວດກາພັກແຂວງ ສະບັບເລກທີ 921/ຄກພຂ, ລົງວັນທີ 1 ພະຈິກ 2023, ເລື່ອງ: ການກະກຽມ ແລະ ດໍາເນີນຊີວິດການເມືອງທ້າຍສະໄໝ ຂອງກອງປະຊຸມໃຫຍ່ 3 ຂັ້ນຂອງພັກ ແລະ ຂໍ້ກໍານົດຂອງຄະນະເລຂາທິການສູງກາງພັກວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະພັກຮາກຖານກຸ່ມບ້ານ ຫຼື ບ້ານໃຫຍ່ ສະບັບເລກທີ 416/ຄລສພ, ລົງວັນທີ 25 ກັນຍາ 2023.

ຈຸດປະສົງ, ເພື່ອເຮັດໃຫ້ສະມາຊິກພັກ, ພະນັກງານ ພາຍໃນສະພາປະຊາຊົນແຂວງ ໄດ້ຮັບຮູ້ເຂົ້າໃຈ, ເຊື່ອມຊຶມ, ກໍາແໜ້ນຢ່າງເລິກເຊິ່ງ, ທົ່ວເຖິ່ງ ແລະ ມີຄວາມເປັນເອກະພາບສູງຕໍ່ເນື້ອໃນທີ່ນໍາມາເຜີຍແຜ່ ແລະ ເຊື່ອມຊຶມໃນຄັ້ງນີ້, ເຊິ່ງກອງປະຊຸມດັ່ງກ່າວ ຈະດໍາເນີນເປັນເວລາ 1 ວັນ ຈຶ່ງສໍາເລັດ.

ພາບ/ຂ່າວ: ສະພາປະຊາຊົນແຂວງ.