ໃນວັນທີ 2 ຕຸລາ 2024 ທີ່ຜ່ານມາ ທ່ານ ພົທ ສຸວອນ ເລືອງບຸນມີ ກໍາມະການສູນກາງພັກ ຮອງປະທານສະພາແຫ່ງຊາດ ພ້ອມດ້ວຍຄະນະ ເຊິ່ງປະກອບມີ ທ່ານ ແກ້ວລັດຕະນະ ສີຫາວົງ ຄະນະປະຈໍາພັກແຂວງ, ຮອງປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 15, ທັງເປັນຮອງປະທານສະພາປະຊາຊົນແຂວງຈໍາປາສັກ, ມີບັນດາທ່ານຫົວໜ້າ-ຮອງຫົວໜ້າກົມຂອງສະພາແຫ່ງຊາດ, ສະມາຊິກສະພາປະຊາຊົນແຂວງ, ຜູ້ຕາງໜ້າຈາກຫ້ອງວ່າການສູນກາງພັກ, ຕາງໜ້າກະຊວງພາຍໃນ, ຕາງໜ້າກະຊວງປ້ອງກັນປະທດ, ຕາງໜ້າກະຊວງປ້ອງກັນຄວາມສະຫງົບ ແລະ ວິຊາການຈາກສະພາແຫ່ງຊາດ ແລະ ສະພາປະຊາຊົນແຂວງຈໍານວນໜຶ່ງ ໄດ້ເຄື່ອນໄຫວພົບປະຢ້ຽມຢາມ ແລະ ເຮັດວຽກກັບອໍານາດການປົກຄອງເມືອງປາກຊ່ອງ ແລະ ນະຄອນປາກເຊ ແຂວງຈໍາປາສັກ.
ການເຄື່ອນໄຫວຂອງທ່ານຮອງປະທານສະພາແຫ່ງຊາດ ພ້ອມຄະນະ ໃນຄາບເຊົ້າໄດ້ເຄື່ອນໄຫວຢ້ຽມຢາມ ແລະ ເຮັດວຽກກັບອົງການປົກຄອງເມືອງປາກຊ່ອງ ຢູ່ສະໂມສອນຂອງເມືອງ, ໂດຍໄດ້ຮັບຟັງການລາຍງານກ່ຽບກັບການຈັດຕັ້ງປະຕິບັດວຽກງານສາມສ້າງ ຈາກ ທ່ານ ບຸນລິດ ເທບບຸນສູງ ວ່າການເຈົ້າເມືອງ, ຕາງໜ້າຄະນະນໍາຂອງອົງການປົກຄອງເມືອງປາກຊ່ອງ ເຊິີ່້ງທ່ານໄດ້ຍົກໃຫ້ເຫັນກຽວກັບການຈັດຕັ້ງປະຕິບັດວຽກງານຕົວຈິງທີ່ແຂວງມອບໃຫ້ເມືອງ, ເມືອງມອບໃຫ້ບ້ານ, ຢູ່ບັນດາຫ້ອງການອ້ອມຂ້າງເມືອງ ເຊິ່ງອົງການປົກຄອງເມືອງປາກຊ່ອງ ໄດ້ເອົາໃຈໃສ່ຈັດຕັ້ງປະຕິບັດວຽກງານການຄຸ້ມຄອງໂຄງການລົງທຶນຂອງລັດທັງພາຍໃນ ແລະ ຕ່າງປະເທດ ເປັນຕົ້ນແມ່ນການຈັດຕັ້ງປະຕິບັດໂຄງການທີ່ມີມູນຄ່າ 5 ຕື້ກີບລົງມາ ຫ້ອງການການເງິນເມືອງໄດ້ເປັນເຈົ້າການໃນການປະສານສົມທົບກັບພະແນກການເງິນແຂວງຈໍາປາສັກ ໃນການຄົ້ນຄວ້າສັັງລວມສ້າງແຜນລາຍຮັບ-ລາຍຈ່າຍຂອງເມືອງ ໂດຍອີງໃສ່ທ່າແຮງບົ່ງຊ້ອນທີ່ມີຢູໃນເມືອງເປັນຕົ້ນຫົວໜ່ວຍການຈັດເກັບລາຍຮັບເຂົ້າງົບປະມານຕາມແຜນລາຍຮັບຂອງປີ 2024 ເມືອງໄດ້ລົງທືນປັບປຸງກໍ່ສ້າງຍົກລະດັບພື້ນຖານໂຄງຮ່າງດ້ານເສດຖະກິດ ເພື່ອຮັບໃຊ້ການຜະລິດ ແລະ ການດໍາລົງຊີວິດ ຂອງປະຊາຊົນບັນດາເຜົ່າໃຫ້ມີການພັດທະນາ, ປະຊາຊົນຢູ່ດີກິນດີ ຕາມທິດສາມສ້າງ. ໃນນັ້ນ, ເມືອງປາກຊ່ອງ ໄດ້ຈັດຕັ້ງປະຕິບັດວຽກງານສາມສ້າງ ໃນການການສ້າງເມືອງເປັນຫົວໜ່ວຍເຂັ້ມແຂງຮອບດ້ານ ໃນ 5 ດ້ານ, 47 ຕົວຊີ້ບອກ ສາມາດບັນລຸໄດ້ 5 ດ້ານ, ຊຶ່ງລວມຕົວຊີ້ບອກບັນລຸ 47 ຕົວຊີ້ບອກ ແລະ ການສ້າງບ້ານເປັນຫົວໜ່ວຍພັດທະນາ ໃນ 4 ດ້ານ, 30 ຕົວຊີ້ບອກ ມີບ້ານທີ່ບັນລຸມາດຖານບ້ານເປັນຫົວໜ່ວຍພັດທະນາ ໃນ 4 ດ້ານ ຈໍານວນ 68 ບ້ານ ແລະ ບໍ່ບັນລຸມາດຖາດ ຈໍານວນ 20 ບ້ານ ໄດ້ 100%(ຮ້ອຍສ່ວນຮ້ອຍ) ໂດຍສະເພາະການສ້າງບ້ານເປັນຫົວໜ່ວຍພັດທະນາ ໃນ 4 ດ້ານ 30 ຕົວຊີ້ບອກ ມີບ້ານທີ່ບັນລຸມາດຖານບ້ານເປັນຫົວໜ່ວຍພັດທະນາ ໃນ 4 ດ້ານ ຈໍານວນ 68 ບ້ານ ກວມເອົາ 77,27 % ຂອງບ້ານທັງໝົດ, ໃນນັ້ນ, ປະເມີນຕື່ມອີກສໍາເລັດ ໃນ 4 ດ້ານ 30 ຕົວຊີ້ບອກຕາມມະຕີຕົກລົງ ຂອງຄະນະປະຈຳພັກເມືອງປາກຊ່ອງສະບັບເລກທີ 272/ຄຈພມ.ປຊ, ລົງວັນທີ 3/10/2023 ຈໍານວນ 10 ບ້ານ ເຊິງຈະປະກາດໃນມໍ້ນີ້ ແລະ ບ້ານທີ່ບໍ່ທັນບັນລຸຕົົວຊີ້ບອກ ຈໍານວນ 10 ບ້ານ. ພິເສດແຂວງຈຳປາສັກ ກໍ່ຄືເມືອງປາກຊ່ອງ ແມ່ນໃດ້ມີການສ້າງບ້ານພັດທະນາຢູ່ດີກິນດີຕາມທິດຊີ້ນໍາຂອງອະດິດ ປະທານພັກ ປະທານປະເທດ ເຊິງສາມາດປະກາດສ້າງໄດ້ 11 ບ້ານ ໃນນັ້ນໄດ້ປະກາດຮັບຮອງແລ້ວ 2 ບ້ານ ( ບ້ານຫຼັກ 35 ແລະ ບ້ານທົ່ງກາຫລົງ ). ນອກນີ້, ຜ່ານການຈັດຕັ້ງປະຕິດບັດເມືອງປາກຊ່ອງສະມາດຕີລາຄາໄດ້ດ້ານດີ , ດ້ານອ່ອນຂໍ້ຄົງຄ້າງ ແລະບົດຮຽນທີ່ຖອດຖອນໄດ້ ເພື່ອປັບປຸງເຂົ້າໃສ່ບັນດາໜ້າວຽກໃນການຈັດຕັ້ງປະຕິບັດວຽກງານໃນຕໍ່ໜ້າ.
ຈາກນັ້ນ, ຄະນະຂອງທ່ານຮອງປະທານສະພາແຫ່ງຊາດ ໄດ້ລົງພື້້ນທີຕົວຈຸດບ້ານ ຫຼັກ 35 ຂອງເມືອງປາກຊ່ອງ ແລະສືບຕໍ່ເຄື່ອນໄຫວຢ້ຽມຢາມ ແລະ ເຮັດວຽກຢູ່ນະຄອນປາກເຊ ໃນຄາບບ່າຍຂອງວັນດຽວກັນອີກດ້ວຍ.
(ພາບ-ຂ່າວ: ສົມພອນ ໄຊປັນຍາ ແລະ ສົມວິຈິດ ໄຊມົນຕີ)