ຕອນເຊົ້າຂອງວັນທີ 27 ມັງກອນ 2023 ນີ້ ທ່ານ ພັນໂທ ບຸນສົມ ທຳມະວົງ ຮອງປະທານຄະນະ   ກຳມະການຍຸຕິທຳ ແລະ ປກຊ-ປກສ ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງຫລວງນໍ້າທາ ໄດ້ມອບເຄື່ອງນຸ່ງຫົ່ມໃຫ້ນັກຮຽນປະຖົມ ແລະ ຄອບຄົວທຸກຍາກຂາດເຂີນຢູ່ບ້ານວຽງເໜືອ ໂດຍການກ່າວມອບຂອງ ທ່ານ ພັນໂທ ບຸນສົມ ທຳມະວົງ ຮອງປະທານຄະນະ ກຳມະການຍຸຕິທຳ ແລະ ປກຊ-ປກສ ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງຫລວງນໍ້າທາ, ໃຫ້ກຽດຮັບໂດຍ ອຳນາດການປົກຄອງບ້ານວຽງເໜືອ, ຄູ, ອາຈານ ພ້ອມດ້ວຍປະຊາຊົນ ແລະ ນັກຮຽນເຂົ້າຮ່ວມເປັນສັກຂີພິຍານ ເຊິ່ງລວມມູນຄ່າທັງໝົດ 2,000,000 ກວ່າກີບ.

ພ້ອມນັ້ນ ຍັງໄດ້ມອບເຄື່ອງນຸ່ງຫົ່ມໃຫ້ກອງບັນຊາການທະຫານເມືອງຫລວງນໍ້າທາ ເນື່ອງໃນວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ ( 20 ມັງກອນ 1949 – 20 ມັງກອນ 2023 ) ໂດຍການກ່າວ ມອບຂອງ ທ່ານ ພັນໂທ ບຸນສົມ ທຳມະວົງ ຮອງປະທານຄະນະ ກຳມະການຍຸຕິທຳ ແລະ ປກຊ-ປກສ ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງຫລວງນໍ້າທາ ແລະ ກ່າວຮັບໂດຍ ທ່ານ ພັນໂທ ວອນມະນີ ເຈື້ອຫລວງຄຳມີ ຫົວໜ້າການເມືອງກອງບັນຊາການທະຫານເມືອງຫລວງນໍ້າທາ ພ້ອມດ້ວຍຄະນະພັກ-ຄະນະບັນຊາກອງບັນຊາການທະຫານເມືອງຫລວງນໍ້າທາມູນຄ່າ 2,000,000 ກວ່າກີບ, ລວມມູນຄ່າທັງໝົດ 4.000.000 ກວ່າກີບ.