ວັນທີ 12 ເມສາ 2024 ຜ່ານມານີ້ ທ່ານ ສົມສັກ ດອນຈານິດ ຮອງປະທານ ສະພາປະຊາຊົນແຂວງ ແລະ ທ່ານ ແທງ ວິໄລພອນ ສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງຊຽງຄໍ້ ຮ່ວມພິທີເປີດປີທ່ອງທ່ຽວລາວ 2024 ຕິດພັນກັບບຸນກຸດສົງການປີໃຫມ່ລາວ ພສ 2567 ຢູ່ເມືອງຊຽງຄໍ້ແຂວງຫົວພັນ ໂດຍການເປັນປະທານ ຂອງທ່ານ ວົງໄຊ ຍະສິງທອນ ເຈົ້າເມືອງ ເມືອງຊຽງຄໍ້

ເມືອງຊຽງຄໍ້ ເປັນເມືອງວິລະຊົນຄົນຫານກ້າເປັນເຂດທີ່ຫມັ້ນຂອງການປະຕິວັດ ເປັນບ່ອນສ້າງຕັ້ງກອງຮ້ອຍລາດຊະວົງ ໃນເມື່ອກ່ອນ ຈົນກາຍມາເປັນ ກອງທັບປະຊາຊົນລາວໃນປະຈຸບັນ, ເມືອງຊຽງຄໍ້ມີບ້ານທັງ ຫມົດ 59 ບ້ານ ມີພົນລະເມືອງ 26,918 ຄົນ, ມີ 6 ເຜົ່າຄື:ເຜົ່າລາວ, ເຜົ່າໄຕດຳ, ເຜົ່າໄຕແດງ, ເຜົ່າມົ້ງ, ເຜົ່າອິວມຽນ ແລະ ເຜົ່າຊິງມູນ ແຕ່ລະເຜົ່າມີເອກະລັກໃນການນຸ່ງຖື, ມີສຳນຽງພາສາປາກເວົ້າເປັນຂອງຕົນເອງສະເພາະ ດຳລົງຊີວິດຢູ່ແບບລຽບງ່າຍມີຄວາມສາມັກຄີກັນ, ເບິ່ງແຍງຊ່ວຍເຫລືອເຊິ່ງກັນ ແລະ ໃນທຸກໆດ້ານ ແລະຢູ່ຮ່ວມກັນຢ່າງມີຄວາມສຸກ…