ວັນທີ 11 ມີນາ 2022 ນີ້ ກຳມະບານຮາກຖານ  ແລະ ໜ່ວຍສະຫະພັນແມ່ຍິງ ສະພາປະຊາຊົນແຂວງຫົວພັນ ໄດ້ຈັດພິທີ ມອບໃບຢັ້ງຢືນ 5 ເປັນເຈົ້າ ປະຈຳປີ 2021, ໃບຍ້ອງ ສະມາຊິກກຳມະບານ ທີ່ມີຜົນງານ ດີເດັ່ນ ໃນການເຄື່ອນໄຫວວຽກງານ ກຳມະບານ ປະຈຳປີ 2021 ແລະ ມອບໃບຢັ້ງຢືນສະຫະພັນ ແມ່ຍິງ 3 ດີ ປະຈຳປີ 2021 ຂອງສະພາປະຊາຊົນແຂວງ.

ໂດຍການເປັນກຽດກ່າວມອບ ຂອງສະຫາຍ ສົມສັກ ດອນຈານິດ ກຳມະການພັກແຂວງ ເລຂາໜ່ວຍພັກ ຮອງປະທານ ສະພາປະຊາຊົນ ແຂວງຫົວພັນ  ແລະ ກ່າວຮັບໂດຍ ສະຫາຍ ສຸກມີໄຊ ສິງບຸນເຮືອງ ປະທານ ກຳມະບານຮາກຖານ, ສະຫາຍ ນາງ ພອນສີ ໄຊຍະບຸນ ປະທານ ສະຫະພັນແມ່ຍິງ ສະພາປະຊາຊົນແຂວງ

       ໃນພິທີອັນມີຄວາມໝາຍຄວາມສຳຄັນດັ່ງກ່າວນີ້ ສະມາຊິກກຳມະບານ ແລະ ສະມາຊິກສະຫະພັນແມຍິງພາຍໃນໜ່ວຍ ຍັງໄດ້ຮັບຟັງການໂອລົມ ຈາກ ສະຫາຍ ເລຂາໜ່ວຍພັກ ເຊິ່ງກ່ອນອື່ນ ສະຫາຍໄດ້ສະແດງຄວາມ ຍ້ອງຍໍຊົມເຊີຍ ຕໍ່ກຳມະບານຮາກຖານ, ສະມາຊິກກຳມະບານ ກໍຄື ໜ່ວຍສະຫະພັນແມ່ຍິງ ແລະ ສະມາຊິກແມ່ຍິງທຸກສະຫາຍ ທີ່ໄດ້ສາມາດຍາດໄດ້ໃບຢັ້ງຢືນ ແລະ ຮັບການຍ້ອງຍໍ ຈາກອົງການຈັດຕັ້ງດັ່ງກ່າວ  ແລະ ຍັງໄດ້ເນັ້ນໜັກ ໃຫ້ທຸກສະຫາຍພ້ອມກັນຄົ້ນຄວ້າ ກົດລະບຽບ ຂອງສະຫະພັນກຳມະບານລາວ ແລະ ສະຫະພັນແມ່ຍິງວາງອອກໃຫ້ເລິກເຊິ່ງ ປະຕິບັດ ຂໍ້ແຂ່ງຂັນ 5 ເປັນເຈົ້າ ແລະ ແມ່ຍິງ 3ດີ ໃຫ້ປະກົດຜົນເປັນຈິງ ແລະ ເຂັ້ມງວດ ໂດຍສະເພາະ ພ້ອມກັນເພີ່ມທະວີ ເຮັດລ້ອນໜ້າທີ່ ຄວາມຮັບຜິດຊອບຕໍ່ໜ້າທີ່ວຽກງານທີ່ຕົນໄດ້ຮັບການມອບໝາຍ ແລະ ຮັບຜິດຊອບໃຫ້ສຳເລັດ ພ້ອມກັນພັດທະນາ ຕົນເອງ ໃຫ້ມີຄວາມຮູ້, ຄວາມສາມາດ ແລະ ພັດທະນາການຈັດຕັ້ງໃຫ້ນັບມື້ນັບນັບດີຂຶ້ນເປັນກ້າວໆ

ພາບ ແລະ ຂ່າວ: ເວີນ ແກ້ວບຸນມີ