ວັນທີ 16 ກັນຍາ 2024 ນີ້ ຄະນະອະນຸກຳ ມະການເນື້ອໃນຂັ້ນແຂວງ ໄດ້ລົງເຄື່ອນໄຫວຊຸກຍູ້ການກະກຽມກອງປະຊຸມໃຫຍ່ 3 ຂັ້ນຂອງພັກຂັ້ນແຂວງ ຢູ່ກອງບັນຊາການທະຫານແຂວງຈຳປາສັກ ໂດຍການເປັນປະທານ ສະຫາຍ ສົມສີ ມະນີນິນ ຮອງປະທານສະພາປະຊາຊົນແຂວງ ຫົວໜ້າອະນຸກໍາມະການເນື້ອບົດລາຍງານການເມືອງຂັ້ນແຂວງ ມີບັນດາສະຫາຍໃນອະນຸກຳມະການຂັ້ນແຂວງ, ເຂົ້າຮ່ວມມີ ທ່ານ ພົຈວ ວິລະຕູ່ ວໍລະຈິດ ຮັກສາການເລຂາຄະນະພັກ ພ້ອມຄະນະພະ-ຄະນະນຳ ເພື່ອຊຸກຍູ້ຄະນະພັກຂອງກອງບັນຊາການທະຫານແຂວງ ໃຫ້ມີຄວາມ ຮັບຮູ້ເຂົ້າໃຈ, ສາມາດຈັ້ງຕັ້ງຜັນຂະຫຍາຍ ແລະ ຈັດຕັ້ງປະຕິບັດຄໍາສັ່ງແນະນໍາຂອງຄະນະເລຂາທິການສູນກາງພັກ ສະບັບເລກທີ 411/ຄລສພ, ລົງວັນທີ 8 ສິງຫາ 2023 ແລະ ຄໍາສັ່ງແນະນໍາຂອງຄະນະຈັດຕັ້ງສູນກາງພັກ ສະບັບເລກທີ 211/ຄຈສພ, ລົງວັນທີ 16 ສິງຫາ 2023 ວ່າດ້ວຍການກະກຽມດໍາເນີນກອງປະຊຸມ 3 ຂັ້ນຂອງພັກ ໃຫ້ກວ້າງຂວາງ, ທົ່ວເຖິງ ແລະ ມີຄວາມເປັນເອກະພາບໃນທົ່ວອົງຄະນະພັກຂອງກອງບັນຊາການທະຫານແຂວງ ໃຫ້ມີຄວາມພ້ອມຮອບດ້ານ ແລະ ຮັບປະກັນການກະກຽມດ້ານຂະບວນ ການ, ດ້ານເນື້ອໃນ ແລະ ດ້ານບຸກຄະລາກອນ. ການເຄື່ອນໄຫວໄດ້ເປີດກອງປະຊຸມເຮັດວຽກຮ່ວມກັບຄະນະພັກຂອງກອງບັນຊາການທະການແຂວງ ໂດຍໄດ້ຮັບຟັງການລາຍງານກ່ຽວກັບການກະກຽມຄວາມພ້ອມໃນການກະກຽມ ຈາກອະນຸກຳມະການເນື້ອໃນ ບົດລາຍງານການເມືອງ ທີ່ຈະດຳເນີນກອງປະຊຸມໃຫຍ່. ຈາກນັ້ນ, ອະນຸກໍາມະການເນື້ອໃນຂັ້ນແຂວງໄດ້ແນະນຳວິທີການກຳນົດເນື້ອໃນກອງປະຊຸມ ແລະ ບົດປີ່ນອ້ອມຕ່າງໆ ແລະ ກອງປະຊຸມໄດ້ມີການແລກປ່ຽນປະກອບຄຳເຫັນບົນພື້ນຖານຄວາມເປັນເອກະພາບ ແລະ ສອດຄ່ອງຕາມລະບຽບຂອງ ພັກ-ລັດ ທີ່ວາງໄວ້.

(ພາບ-ຂ່າວ: ສຸລິຍາ ເພັງສະຫວັດ)