ໃນລະຫວ່າງບໍ່ດົນມານີ້ທ່ານ ບຼົ່ງວ່າງ ວ່າງເຈ່ຍຊ່າ ກຳມະການພັກແຂວງ, ສະມາຊິກສະພາປະຊາຊົນແຂວງ ປະຈຳເຂດເລຶອກຕັ້ງ ເມືອງໂພນທອງ ເພື່ອນຳເອົາເນື້ອໃນຈິດໃຈຜົນສຳເລັດກອງປະຊຸມສະໄໝສາມັນເທື່ອທີ 2 ຂອງສະພາປະຊາຊົນແຂວງ ມາເຜີຍແຜ່ໃຫ້ປະຊາຊົນຢູ່ເມືອງໂພນທອງ ຈຳນວນ 5 ບ້ານລວມທັງໝົດ 5 ຈຸດຄື: ບ້ານ ສົບພົນ, ບ້ານ ໂພນສຸກ, ບ້ານ ນາວັດ, ບ້ານ ນ້ໍ້າລວງ ແລະ ບ້ານ ຫ້ວຍຕະໂລງ, ມີຜູ້ເຂົ້າຮ່ວມຮັບຟັງທັງໝົດ 336 ຄົນ, ຍິງ 124 ຄົນ.

ການລົງພົບປະໂອ້ລົມພໍ່ແມ່ປະຊາຊົນ ໃນຄັ້ງນີ້ ແມ່ນໄດ້ຮັບຟັງການລາຍງານສະພາບລວມ ຂອງບ້ານໂດຍຫຍໍ້. ຈາກນັ້ນ ທ່ານ ບຼົ່ງວ່າງ ວ່າງເຈ່ຍຊ່າ ກຳມະການພັກແຂວງ, ສະມາຊິກສະພາປະຊາຊົນແຂວງ ປະຈຳເຂດເລຶອກຕັ້ງ ເມືອງໂພນທອງ ກໍ່ໃຫ້ກຽດເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 2 ຂອງສະພາປະຊາຊົນແຂວງ ໃນການພິຈາລະນາ ຮັບຮອງເອົາບັນຫາສຳຄັນຕ່າງໆຂອງທ້ອງຖິນ ມາເຜີຍແຜ່ໃຫ້ພໍ່ແມ່ປະຊາຊົນບັນດາເຜົ່າໄດ້ຮັບຮູ້ ແລະ ເຂົ້າໃຈ, ພ້ອມນັ້ນຍັງໄດ້ຮັບຟັງຄຳຄິດຄຳເຫັນ-ຄຳສະເໜີຂອງປະຊາຊົນບັນດາເຜົ່າ.

ຕອນທ້າຍ ທ່ານ ບຼົ່ງວ່າງ ວ່າງເຈ່ຍຊ່າ ກຳມະການພັກແຂວງ, ສະມາຊິກສະພາປະຊາຊົນແຂວງ ປະຈຳເຂດເລຶອກຕັ້ງ ເມືອງໂພນທອງ ໄດ້ອະທິບາຍຊີ້ແຈງຕໍ່ກັບບາງຄຳສະເໜີໃຫ້ຜູ້ມີສິດເລືອກຕັ້ງເຂົ້າໃຈກັບທີ່ ແລະ ຮັບເອົາບາງຄຳສະເໜີ ເພື່ອໄປຊຸກຍູ້ໃຫ້ພາກສ່ວນກ່ຽວຂ້ອງຄົ້ນຄ້ວາພິຈາລະນາ ແລະ ແກ້ໄຂໃຫ້ຖືກຕ້ອງຕາມລະບຽບກົດ   ໝາຍ, ພ້ອມນີ້ ທ່ານຍັງໄດ້ຮຽກຮ້ອງໃຫ້ອົງການປົກຄອງບ້ານເອົາໃຈໃສ່ຍົກສູງໃນການຈັດຕັ້ງປະຕິບັດ 2 ວາລະແຫ່ງຊາດ ເປັນຕົ້ນ ວາລະແຫ່ງຊາດ ວ່າດ້ວຍການແກ້ໄຂຄວາມຍຸ້ງຍາກທາງດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ບັນຫາຢາເສບຕິດ ໃຫ້ບັນລຸຕາມຈຸດປະສົງ ແລະ ລະດັບຂາດໝາຍທີ່ວ່າງໄວ້.

ຂ່າວ ແລະ ພາບ ບຸນທໍາ ຕັນທະມະນີ