(ສພຊ) ວັນທີ 30 ມີນາຜ່ານມາ ທີ່ສະພາແຫ່ງຊາດ, ນະຄອນຫລວງວຽງຈັນ ໄດ້ມີພິທີມອບ-ຮັບລົດຊ່ວຍເຫລືອ (ລົດສຸກເສີນ) ຈຳນວນ 1 ຄັນ ໃຫ້ແກ່ໜ່ວຍກູ້ໄພເມືອງສັງທອງ ນະຄອນຫລວງວຽງຈັນ.​
ຈຸດປະສົງ ເພື່ອປະກອບສ່ວນເຂົ້າໃນວຽກງານສາທາລະນະສຸກ ກໍຄືການປ້ອງກັນ ແລະ​ ​ແກ້ໄຂການແຜ່ລະບາດຂອງພະຍາດໂຄວິດ-19​ ເຊິ່ງຕາງໜ້າຫນ່ວຍກູ້ໄພເມືອງສັງທອງ ໂດຍ​ທ່ານ​ ພົງສະຫວັນ​ ສີລິພັນ ເຈົ້າເມືອງໆສັງທອງ​ ແລະ ຕາງໜ້າຝ່າຍສະພາແຫ່ງຊາດ ໂດຍທ່ານ ປອ. ບຸນທັນ ບຸນວິໄລ ຮອງເລຂາທິການສະພາແຫ່ງຊາດ ໂດຍການເຂົ້າຮ່ວມເປັນສັກຂີພິຍານຂອງທັງສອງຝ່າຍ.
(ພາບ ແລະຂ່າວໂດຍ: ອານຸສອນ​ ພູມມີທອນ)