ພິທີປາຖະກະຖາ 6 ວັນປະຫວັດສາດສໍາຄັນຂອງຊາດ, ຂອງພັກ ໄດ້ຈັດຂຶ້ນໃນຕອນເຊົ້າຂອງວັນທີ 8 ພະຈິກ 2023 ຢູ່ທີ່ຫ້ອງປະຊຸມສະພາປະຊາຊົນແຂວງໄຊຍະບູລີ, ໂດຍໃຫ້ກຽດປາຖະກະຖາ ຂອງທ່ານ ນາງ ວິລະພອນ ທອງພິມ ກໍາມະການພັກແຂວງ ຮອງປະທານສະພາປະຊາຊົນແຂວງໄຊຍະບູລີ, ໃຫ້ກຽດເຂົ້າຮ່ວມມີບັນດາ, ຫົວໜ້າ, ຮອງຫົວໜ້າການ, ຕະຫຼອດຮອດສະມາຊິກພັກ, ພະນັກງານເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ນາງ ວິລະພອນ ທອງພິມ ກໍາມະການພັກແຂວງ ຮອງປະທານສະພາປະຊາຊົນແຂວງໄຊຍະບູລີ ໄດ້ປາຖະກະຖາ 6 ວັນປະຫວັດສາດສໍາຄັນຂອງຊາດ ຂອງພັກ, ເຊິ່ງໄດ້ຍົກໃຫ້ເຫັນເຖິງມູນເຊືອແຫ່ງການກຳເນີດເຕີບໃຫ່ຍຂະຫຍາຍຕົວແຕ່ລະໄລຍະຂອງວັນສຳຄັນດັ່ງກ່າວເປັນຕົ້ນ, ວັນປະກາດເອກະລາດ ຄົບຮອບ 78 ປີ (12 ຕຸລາ 1945-12 ຕຸລາ 2023); ວັນສ້າງຕັ້ງການທູດ ຄົບຮອບ 78 ປີ ( 12 ຕຸລາ 1945 -12 ຕຸລາ 2023 ); ວັນວິທະຍາສາດແຫ່ງຊາດ ຄົບຮອບ 36 ປີ(12 ຕຸລາ 1987 – 12 ຕຸລາ 2023 ); ວັນຄູແຫ່ງຊາດ ຄົບຮອບ 29 ປີ (7 ຕຸລາ 1984 -7 ຕຸລາ 2023); ລະນຶກວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກຂອງ ສປປລ ລາວ ( 17 ຕຸລາ 1987 ແລະ 17-24 ຕຸລາ 2023) ແລະ ວັນຊາດ ສປ ຈີນ ຄົບຮອບ 74 ປີ (1 ຕຸລາ 1949-1 ຕຸລາ 2023).ຈຸດປະສົງເພື່ອໂຄສະນາສຶກສາອົບຮົມສະມາຊິກພັກ-ພະນັກງານ, ພາຍໃນສະພາປະຊາຊົນແຂວງໄຊຍະບູລີ, ເຫັນໄດ້ບົດບາດ, ຄວາມໝາຍຄວາມສຳຄັນ ແລະ ເສີມຂະຫຍາຍມູນເຊື້ອອັນດີງາມຂອງ 6 ວັນປະຫວັດສາດດັ່ງກ່າວເຂົ້າໃນພຶດຕິກຳຕົວຈິງ, ຝຶກຝົນຫຼໍ່ຫຼອມຕົນເອງ ເພື່ອຮັບໃຊ້ປະເທດຊາດຮັບໃຊ້ປະຊາຊົນ ແລະ ເພີ່ມທະວີຄວາມຮັບຜິດຊອບໃນການສ້າງຜົນ ງານ. ພ້ອມດຽວກັນນີ້ກໍ່ໃຫ້ຮູ້ເຖິງມູນເຊື້ອຕໍ່ສູ້ອັນດີງາມຂອງຊາດ, ເຊິ່ງແມ່ນອົງການນຳພາຂອງການປະຕິວັດລາວເຫັນໄດ້ເຖິງຄວາມປີຊາສາມາດໃນການໂຄສະນາຂົນຂວາຍ ແລະ ນຳພາຕໍ່ສູ້ຈົນໄດ້ຮັບໄຊຊະນະ ແລະ ຮັບຮູ້ເຂົ້າໃຈກ່ຽວກັບພາລະບາດວັນສໍາຄັນດັ່ງກ່າວເພື່ອເຮັດໃຫ້ຊັ້ນຄົນຕ່າງໆໃນທົ່ວສັງຄົມມີສະຕີເຄົາລົບ ແລະ ປະຕິບັດກົດ ໝາຍແນໃສ່ບູ ລະນະລັດປະຊາ ທິປະໄຕປະຊາຊົນລາວ ໃຫ້ເປັນລັດແຫ່ງກົດໝາຍເທື່ອລະກ້າວ, ເຮັດໃຫ້ປະຊາຊົນຮັ່ງມີຜາສຸກ ປະເທດຊາດຮັ່ງມີເຂັ້ມແຂງ, ສັງຄົມມີຄວາມສາ ມັກຄີປອງດອງມີປະຊາທີປະໄຕ, ຍຸຕິທຳ ແລະ ສີວີໄລ.

ພາບ-ຂ່າວໂດຍ:ອິນທີ ຂຽວສີຟ້າ