ສະພາປະຊາຊົນແຂວງຫຼວງນໍ້າທາຝືກອົບຮົມການຕິດຕາມກວດກາໃຫ້ ສສຊ-ສສຂ ລະຫວ່າງ ວັນທີ່9-10ມັງກອນ2025ນີ້, ສະພາປະຊາຊົນແຂວງຫຼວງນໍ້າທາໄດ້ຈັດຝືກອົບຮົມໃຫ້ສະມາຊິກສະພາແຫ່ງຊາດ-ສະມາຊິກສະພາປະຊາຊົນແຂວງປະຈໍາເຂດເລືອກຕັ້ງຢູ່ທີ່ສະໂມສອນເມືອງສິງແຂວງຫຼວງນໍ້າ, ພາຍໃຕ້ການເປັນປະທານ ຂອງທ່ານ ກົງເພັດ ແກ້ວບົວພາ ກໍາມະການພັກແຂວງຮອງປະທານສະພາປະຊາຊົນແຂວງຫຼວງນໍ້າທາ, ມີບັນດາທ່ານ ສສຊ-ສສຂ, ພ້ອມດ້ວຍພະນັກງານທີເປັນເສນາທິການເຂົ້າຮວ່ມ40ກວ່າທ່ານ, ຍິງ15 ທ່ານ, ຫົວຂໍ້ທີ່ນໍາມາຝຶກຄັ້ງນີ້ ມີກົດໝາຍວ່າດ້ວຍການຕິດຕາມ-ກວດກາຂອງສະພາແຫ່ງຊາດ, ສະພາປະຊາຊົນແຂວງ, ພາລະບົດບາດຂອງ ສສຊ-ສສຂ ໃນການຕິດຕາມ-ກວດກາ, ຂັ້ນຕອນວາງແຜນລົງທຶນຂອງລັດ, ວິທີການຄຸ້ມຄອງການລົງທຶນ, ໄດ້ຈັດແບ່ງເປັນກຸ່ມຄົ້ນຄ້ວາຂຽນບົດຝືກຫັດຕົວຈິງ, ແລກປ່ຽນສົນທະນາຮ່ວມ, ຫົວໜ້າແຕ່ລະຈຸໄດ້ຂື້ນລາຍງານຜົນການຮໍ່າຮຽນ, ທັງໄດ້ຮັບການຊີ້ແຈງຂໍ້ຂ້ອງໃຈຕ່າງໆຂອງສໍາມານາກອນ, ຜົນການປະເມີນຊຸດອົບຮົມຢູ່ໃນລະດັບດີ ແລະ ສໍາເລັດຕາມລະດັບຄາດໝາຍ, ຊຸດຝືກອົບຮົມຄັ້ງນີ້ໄດ້ຮັບການສະໜັບສະໜຸນຈາກໂຄງການສ້າງຄວາມເຂັ້ມແຂງໃຫ້ສສຊ-ສສຂ ຫຼື່ ສະເຕັບ.

ໂດຍ ນາງ ອາເມີງ ວິແຄລູ