ຕອນເຊົ້າຂອງວັນທີ 6 ຕຸລາ 2022 ນີ້ ສະພາປະຊາຊົນແຂວງຫລວງນໍ້າທາ ໄດ້ມອບອຸປະກອນການຮຽນ, ອຸປະກອນກິລາ ໃຫ້ໂຮງຮຽນປະຖົມສົມບູນບ້ານນໍ້າຈ້າງ ເມືອງຫລວງນໍ້າທາ ແຂວງຫລວງນໍ້າທາ ເນື່ອງໃນໂອກາດວັນຄູແຫ່ງຊາດ ຄົບຮອບ 28 ປີ ( 7 ຕຸລາ 1994- 7 ຕຸລາ 2022 ) ໃຫ້ກຽດມອບໂດຍ ທ່ານ ຄໍາຟອງ ອິນມານີ ຮອງເລຂາພັກແຂວງ ປະທານສະພາປະຊາຊົນແຂວງ ໃຫ້ກຽດຮັບໂດຍ ທ່ານ ນາງ ໃຫມ່ມາລີ ທອງບັນດິດ ອຳນວຍການໂຮງຮຽນປະຖົມສົມບູນບ້ານນ້ຳຈ້າງ, ເຊິ່ງລວມມູນຄ່າທັງໝົດ 2,000,000 ກວ່າກີບ ເພື່ອແຈກຢາຍໃຫ້ນັກຮຽນໄດ້ນຳໃຊ້ເຂົ້າໃນການຮຽນ ຫລີ້ນກິລາເພື່ອຫ່າງໄກຈາກສິ່ງເສບຕິດ.

ພາບ ແລະ ຂ່າວ ນາງ ອຳພອນ ສີປະເສີດ