ໃນຕອນແລງຂອງວັນທີ 29 ກຸມພາ 2024  ຢູ່ທີ່ຫ້ອງປະຊຸມສະພາປະຊາຊົນແຂວງ ໄດ້ຈັດພິທີມອບ-ຮັບ ເຄື່ອງພະລັງງານໄຟຟ້າແສງຕາເວັນ ໃຫ້ກອງບັນຊາການທະຫານແຂວງຫລວງນ້ຳທາ ໃຫ້ກຽດມອບໂດຍທ່ານ ຄໍາຟອງ ອິນມານີ ຮອງເລຂາຄະນະບໍລິຫານງານພັກແຂວງ, ປະທານສະພາປະຊາຊົນແຂວງ, ໃຫ້ກຽດຮັບໂດຍທ່ານ ພັອ ບຸນມີ ໄຊປະເສີດ ຄະນະປະຈໍາພັກ, ຮອງຫົວໜ້າກອງບັນຊາການທະຫານແຂວງ ມີບັນດ າທ່ານຮອງປະທານສະພາປະຊາຊົນແຂວງ, ຄະນະປະຈໍາສະພາປະຊາຊົນແຂວງ, ຄະນະເລຂາທິການສະພາປະຊາຊົນແຂວງ, ຄະນະນໍາຂອງກອງບັນຊາການທະ ຫານແຂວງ ແລະ ວິຊາການກ່ຽວຂ້ອງ ເຂົ້າຮ່ວມ.

ຈຸດປະສົງຂອງການມອບເຄື່ອງພະລັງງານໄຟຟ້າແສງຕາເວັນຄັ້ງນີ້ ແມ່ນເພື່ອນໍາໄປຊ່ວຍເຫຼືອກອງພັນ 418 ທີ່ເມືອງວຽງພູຄາ, ແຂວງຫຼວງນໍ້າທາ ນໍາໃຊ້ເຂົ້າໃນການເຄື່ອນໄຫວວຽກງານປ້ອງກັນຊາດ ໃນເຂດຊາຍແດນ ໃຫ້ມີປະສິດພາບສູງຂຶ້ນ, ຊຶ່ງອຸປະກອນໄຟຟ້າແສງຕາເວັນມອບໃນຄັ້ງນີ້ປະກອບມີ ຈໍານວນ 3 ຊຸດ, ມີແຜງໂຊລາເຊວຈໍານວນ 6 ແຜງ (ຊຸດລະ 2 ແຜງ); ຖານຈັບແຜງໂຊລາເຊວຈໍານວນ 3 ອັນ; ໝໍ້ໄຟຈໍານວນ 6 ໜ່ວຍ (ຊຸດລະ 2 ໜ່ວຍ); ກ໋ອງໃສ່ໝໍ້ໄຟຈໍານວນ 6 ອັນ (ຊຸດລະ 2 ອັນ); ຮາວຈັບດອກໄຟຈໍານວນ 3 ອັນ; ດອກໄຟ ຈໍານວນ 3 ດອກ; ເສົາໄຟຈໍານວນ 3 ເສົາ; ຂໍ້ຕໍ່ເສົາ-ແຜງຈໍານວນ 3 ອັນ; ສາຍໄຟຈໍານວນ 45 ແມັດ (ຊຸດລະ 15 ແມັດ); ກ໋ອງບັນຊາລະບົບ (ຊາດເຈີ)ຈໍານວນ 3 ອັນ;ເຫຼັກເສັ້ນປ້ອງອ້ອຍຈໍານວນ 3 ອັນ; ເຫຼັກຈັບຕີນເສົາຈໍານວນ 12 ໂຕ; ນັອດປະກອບ  ຈໍານວນ 3 ຖົງ; ແຜ່ນເຫຼັກຮອງຕີນເສົາຈໍານວນ 3 ແຜ່ນ ລວມມູນຄ່າທັງໝົດ 56.535.000 ກີບ.

ເຄື່ອງທີ່ນຳມອບໃນຄັ້ງນີ້ ແມ່ນໄດ້ຈາກການຊ່ວຍເຫລືອຂອງສະພາແຫ່ງຊາດ.