ໃນຕອນເຊົ້າວັນທີ 07 ທັນວາ 2022 ທີ່ຫ້ອງປະຊຸມສະພາປະຊາຊົນແຂວງສະຫວັນນະເຂດ ໄດ້ຈັດກອງປະຊຸມຂຶ້ນ ເຜີຍແຜ່ກ່ຽວກັບ ບັນດາມະຕິ ເພື່ອກະກຽມໃສ່ກອງປະຊຸມສະໄໝສາມັນ ເທື່ອທີ 04 ຂອງສະພາປະຊາຊົນແຂວງ ຊຸດທີ II, ໂດຍ ການເປັນປະທານຂອງ ທ່ານ ນາງ ພູທອນ ແກ້ວພູວົງ ຮອງປະທານ ສະພາປະຊາຊົນແຂວງ, ມີບັນດາ ຄະນະປະຈຳສະພາປະຊາຊົນແຂວງ ພ້ອມດ້ວຍບັນດາທ່ານ ຮອງປະທານຄະນະກຳມະການ, ມີຫົວໜ້າ, ຮອງຫົວໜ້າຂະແໝງ ພ້ອມທັງ ພະນັກງານ-ວິຊາການ ທັງໝົດພາຍໃນສະພາປະຊາຊົນແຂວງເຂົ້າຮ່ວມ.

ຕໍ່ຈາກນັ້ນ ທ່ານ ບົວລົມ  ອິນທີທະວົງ ຮອງເລຂາທິການສະພາ ປະຊາຊົນແຂວງ ກໍ່ໄດ້ຂຶ້ນເຜີຍແຜ່ ບັນດາມະຕິ ເປັນຕົ້ນ: ມະຕິ ແຜນການກະກຽມ ແລະ ດໍາເນີນກອງປະຊຸມ, ມະຕິການແຕ່ງຕັ້ງຄະນະຊີ້ນໍາ, ບັນດາອະນຸກໍາມະການຮັບຜິດຊອບກະກຽມ ແລະ ດໍາເນີນກອງປະຊຸມສະໄໝສາມັນເທື່ອທີ 04 ຂອງສະພາປະຊາຊົນແຂວງ ຊຸດທີ II, ມະຕິ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະເລຂາທິການສະພາປະຊາຊົນແຂວງ, ສຳລັບການດຳເນີນກອງປະຊຸມສະໄໝສາມັນເທື່ອທີ 04 ຂອງສະພາປະຊາຊົນແຂວງ ຊຸດທີ II ຈະໄດ້ມີຂຶ້ນໃນລະຫວ່າງວັນທີ 24-27 ມັງກອນ 2023 ທີ່ຈະມາເຖິງນີ້.

ພາຍຫຼັງທີ່ໄດ້ຮັບຟັງກາານເຜີຍແຜ່ບັນດາມະຕິແລ້ວ ທ່ານປະທານກອງປະຊຸມກໍ່ໄດ້ມີຄໍາເຫັນແລກປ່ຽນຕໍ່ກອງປະຊຸມ ພ້ອມທັງເປີດໂອກາດໃຫ້ບັນດາທ່ານທີ່ເຂົ້າຮ່ວມກອງປະຊຸມປະກອບຄໍາຄິດຄໍາເຫັນ, ແລກປ່ຽນເຊິ່ງກັນແລະ ກັນ ເພື່ອໃຫ້ກອງປະຊຸມດັ່ງກ່າວປະສົບຜົນສໍາເລັດຢ່າງຈົບງາມ.

ທ້າຍສຸດ ທ່ານ ນາງ ພູທທອນ ແກ້ວພູວົງ ປະທານກອງປະຊຸມກໍ່ໄດ້ສະຫຼຸບຕີລາຄາ ຕໍ່ກັບຄໍາຄິດຄໍາເຫັນ ແລະ ຄໍາສະເໜີຂອງບັນດາທ່ານທີ່ເຂົ້າຮ່ວມກອງປະຊຸມ ພ້ອມທັງໃຫ້ທິດຊີ້ນໍາ ໃນການປະຕິບັດໜ້າທີ່ວຽກງານຂອງແຕ່ລະອະນຸກໍາມະການທີ່ໄດ້ຖືກແຕ່ງຕັ້ງ ໃຫ້ປະກົດຜົນເປັນຈິງ.