ສະພາປະຊາຊົນແຂວງວຽງຈັນ ສ້າງຂະບວນການອອກແຮງງານອະນາໄມຕາມເສັ້ນທາງ.

ໃນວັນທີ 17 ມີນາ 2023 ທີ່ຜ່ານມານີ້ ພະນັກງານ-ລັດຖະກອນ ສະພາປະຊາຊົນແຂວງວຽງຈັນ ໄດ້ສ້າງຂະບວນການອອກແຮງງານລວມ ເພື່ອຂັບນັບຕ້ອນຮັບວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 68 ປີ (22 ມີນາ 1955 – 22 ມີນາ 2023) ໃກ້ຈະມາເຖິ່ງນີ້ ນໍາພາໂດຍທ່ານ ນາງ ໃສແສງຈັນ ແສງພະຈັນ ຮອງເລຂາທິການສະພາປະຊາຊົນແຂວງ ພ້ອມດ້ວຍພະນັກງານພາຍໃນສະພາປະຊາຊົນແຂວງ, ຊຶ່ງໄດ້ອານາໄມປັດກວດຫ້ອງການ, ຕັດຫຍ້າຕາມເສັ້ນທາງດ້ານໜ້າຫ້ອງການ ແລະ  ຖາງປ່າຂ້າງທາງເລາະຕາມເສັ້ນທາງສາຍ BT , ເສັ້ນທາງສາຍ A ເພື່ອເຮັດໃຫ້ເສັ້ນທາງມີຄວາມສະອາດ ແລະ ເປັນລະບຽບຮຽບຮ້ອຍ.