ໃນວັນທີ 6 ທັນວາ 2023 ທີ່ຜ່ານມາ, ໃນໂອກາດທີ່ຄະນະນໍາຂອງສະພາປະຊາຊົນແຂວງຈໍາປາສັກ ລົງເຄື່ອນໄຫວຕິດຕາມກວດກາ ເກັບກໍາຂໍ້ມູນການໃຫ້ເຊົ່າ-ສຳປະທານເນື້ອທີ່ດິນລັດ ຢູ່ເຂດເມືອງຈໍາປາສັກ ນໍາໂດຍ ທ່ານ ມະນີວົງ ແສນລາດ ຄະນະປະຈໍາສະພາປະຊາຊົນແຂວງຈໍາປະສັກ ທັງເປັນສະມາຊິກສະພາແຫ່ງຊາດ ເຂດ 15 ພ້ອມຄະນະ ສົມທົບກັບ ທ່ານ ໄພສານ ອ່ອນໄຊວຽງ ຮອງເລຂາພັກເມືອງ, ປະທານກວດກາພັກ-ລັດເມືອງ ທັງເປັນຫົວໜ້າຄະນະສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງໂພນທອງ ພ້ອມຄະນະ ໂດຍໄດ້ເຮັດວຽກຮ່ວມກັບຄະນະນໍາອົງການປົກຄອງເມືອງຈໍາປາສັກ ນໍາໂດຍ ທ່ານ ສະຫວາດ ແກ້ວບັນດິດ ກໍາມະການພັກແຂວງ, ເລຂາພັກເມືອງ, ເຈົ້າເມືອງຈໍາປາສັກ ພ້ອມດ້ວຍບັນດາທ່ານໃນຄະນະນໍາ ແລະ ວິຊາຊາການທີ່ກ່ຽວຂ້ອງເຂົ້າ ພາຍຫຼັງສໍາເລັດການດໍາເນີນກອງປະຊຸມຮັບຟັງການລາຍງານສະພາບການລວມໃນການຈັດຕັ້ງປະຕບັດວຽກງານການຄຸ້ມຄ້ອງການໃຫ້ເຊົ່າ-ສຳປະທານເນື້ອທີ່ດິນລັດ ຂອງເມືອງແລ້ວ ໄດ້ມີພິທີ ມອບ-ຮັບ ອຸປະກອນພາກສະໜາມທີ່ຈະປະກອບເຂົ້າໃສ່ສະໜາມກິລາບານເຕະຂອງເມືອງຈໍາປາສັກ ທີ່ສ້າງຂື້ນໃໝ່ ປະກອບມີ: ຕາໜາງປະຕູ ທ1 ຄູ່, ເສົາທຸງແຈສະໜາມ 4 ອັນ ແລະ ບານເຕະ ຈໍານວນໜຶ່ງ ລວມມູນຄ່າ 3 ລ້ານກວ່າກີບ ໂດຍການໃຫ້ກ່ຽດມອບຂອງ ທ່ານ ມະນີວົງ ແສນລາດ ປະທານຄະນະກໍາມະການວັດທະນະທໍາ-ສັງຄົມ ແລະ ບັນດາເຜົ່າ ຕາງໜ້າໃຫ້ຄະນະປະຈໍາສະພາປະຊາຊົນ ແລະ ຮັບໂດຍ ທ່ານ ສະຫວາດ ແກ້ວບັນດິດ ເຈົ້າເມືອງຈໍາປາສັກ ມີບັນດາທ່ານຄະນະນໍາ ແລະ ສະມາຊິກສະພາປະຊາຊົນແຂວງ, ຄະນະນໍາອົງການປົກຄອງເມືອງຈໍາປາສັກ ເຂົ້າຮ່ວມໃນພິທີ ເຊິ່ງອຸປະກອນພາກສະໜາມກິລາບານເຕະຈໍານວນດັ່ງກ່າວ ແມ່ນໄດ້ຮັບການຊ່ວນເຫຼືອຈາກ ບໍລິສັດ ພອນຈະເລີນ ກໍ່ສ້າງຂົວທາງຈໍາກັດ ແລະ ສະຫະພັນກິລາບານເຕະແຂວງຈໍາປາສັກ. ໃນໂອກາດດັ່ງກ່າວ ທ່ານ ສະຫວາດ ແກ້ວບັນດິດ ເຈົ້າເມືອງຈໍາປປາສັກ ໄດ້ກ່າວສະແດງຄວາມຂອບໃຈ ແລະ ມອບໃບກຽດຕີຄຸນເພື່ອການຍ້ອງຍໍສັນລະເສີນ.

ສໍາລັບອຸປະກອນທີ່ນໍາມາຊ່ວຍເຫຼືອເມືອງຈໍາປາສັກ ໃນຄັ້ງນີ້ ຈະໄດ້ນໍາໃຊ້ເຂົ້າໃນການຈັດການແຂ່ງຂັນກິລາບານເຕະລາຍການຕ່າງໆຕາມແຜນການທີ່ຄະນະນໍາຂອງເມືອງກໍານົດໄວ້ ໂດຍສະເພາະການແຂ່ງຂັນກິລາບານເຕະ ເພື່ອສ້າງຂະບວນການຂໍ່ານັບຮັບຕ້ອນ ແລະ ສະເຫຼີມສະຫຼອງວັນສໍາຄັນຂອງຊາດທີ່ຈະມາເຖິງ ໃຫ້ບັນຍາກາດຟົດຟືນເບີກບານມ່ວນຊື່ນ ແລະ ສາມາດສ້າງໄດ້ນັກກິລາບານເຕະຊາວໜຸ່ມເຍົາວະຊົນລຸ້ນສືບທອດຂອງເມືອງ ເຮັດໃຫ້ຊາວໜຸ່ມໄວໜຸ່ມໄດ້ຫັນມັນຫຼີ້ນກິລາ ເພື່ອຫ່າງໄກ້ຈາກສິງເສບຕິດ.
(ພາບ-ຂ່າວ: ວິລະສັກ ກິດຕີພັນ)
#ສະພາປະຊາຊົນແຂວງຈໍາປາສັກ
#ເມືອງຈໍາປາສັກ
#ຜູ້ແທນປະຊາຊົນ