ໃນຕອນບ່າຍວັນທີ 16 ຕຸລາ 2023 ນີ້, ທີ່ຫ້ອງປະຊຸມສະພາປະຊາຊົນແຂວງ, ກອງທຶນຊ່ວຍເຫຼືອສັງຄົມສະພາແຫ່ງຊາດ ໄດ້ມອບຄອມພິວເຕີ້ຕັ້ງໂຕະ ຈຳນວນ 01 ຊຸດ ມູນຄ່າ 5,400,000 ກີບ(ຫ້າລ້ານສີ່ແສນກີບ) ໃຫ້ສະພາປະຊາຊົນແຂວງອັດຕະປື ເພື່ອປະກອບສ່ວນເຂົ້າໃນການນຳໃຊ້ວຽກງານຕ່າງໆທີ່ຈຳເປັນ; ຕາງໜ້າກ່າວມອບໂດຍ ທ່ານ ຮສ.ປອ. ລິນຄຳ ດວງສະຫວັນ ຄະນະປະຈຳສະພາແຫ່ງຊາດ, ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ແລະ ຕາງໜ້າກ່າວຮັບໂດຍທ່ານ ສຸກສໍາລານ ໄຊຍະແສງ ຮອງປະທານສະພາປະຊາຊົນແຂວງ ທັງເປັນປະທານຄະນະກໍາມະການເສດຖະກິດ,ແຜນການ ແລະ ການເງີນ ພິທີມອບ-ຮັບດັ່ງກ່າວມີຄະນະຈາກສອງພາກສ່ວນເຂົ້າຮ່ວມເປັນສັກຂີພິຍານ.

ໂອກາດນີ້ ທ່ານ ສຸກສໍາລານ ໄຊຍະແສງ ໄດ້ກ່າວສະແດງຄວາມຂອບໃຈມາຍັງ ຄະນະປະຈໍາສະພາແຫ່ງຊາດ ກໍຄືກອງທຶນຊ່ວຍເຫຼືອສັງຄົມ ທີ່ໄດ້ລະດົມ, ຂົນຂວາຍ ຊ່ວຍເຫຼືອໃຫ້ແກ່ສະພາປະຊາຊົນແຂວງ ແລະ ໄດ້ມອບໃບກຽດຕີຄຸນທີ່ມີຄຸນງາມຄວາມດີໃຫ້ແກ່ກອງທຶນຊ່ວຍເຫຼືອສັງຄົມສະພາແຫ່ງຊາດ.

ວິນັດ