ໃນລະຫວ່າງວັນທີ 12-13 ມິຖຸນາ 2023. ທີ່ຫ້ອງປະຊຸມຫ້ອງວ່າການປົກຄອງເມືອງສະໜາມໄຊ ແລະ ເມືອງພູວົງ ໄດ້ຈັດກອງປະຊຸມຕິດຕາມກວດກາ ວຽກງານ 6 ເດືອນຕົ້ນປີ 2023 ໃນຂົງເຂດຍຸຕິທໍາ, ປ້ອງກັນຊາດ-ປ້ອງກັນຄວາມສະຫງົບ ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຢາເສດຕິດຢູ່ຂັ້ນເມືອງໂດຍການເປັນປະທານຂອງທ່ານ ນາງ ມີນາພອນ ໄຊສົມພູ ຮອງເລຂາພັກແຂວງ ປະທານສະພາປະຊາຊົນແຂວງ, ມີບັນດາທ່ານຄະນະທິມງານຈາກສະພາປະຊາຊົນແຂວງ, ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງ, ຜູ້ຕາງຫນ້າຈາກອົງການກວດກາລັດເມືອງ, ຫ້ອງການຍຸຕິທໍາເມືອງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບເມືອງ ແລະ ພາກສ່ວນທີ່ກ່ຽວຂ້ອງຈໍານວນໜຶ່ງເຂົ້າຮ່ວມ.

ກອງປະຊຸມ, ໄດ້ຮັບຟັງການລາຍງານຂໍ້ຫຍຸ້ງຍາກ, ມາດຕະການ ແລະ ສິ່ງທ້າທາຍ ກ່ຽວກັບການຈັດຕັ້ງປະຕິບັດຄໍາຕັດສີນຂອງສານທີ່ໃຊ້ຢ່າງເດັດຂາດ ທີ່ມີຫຼັກຊັບຄໍ້າປະກັນ, ການປະສານສົບທົບລະຫວ່າງສານປະຊາຊົນ ແລະ ອົງການໄອຍະການປະຊາຊົນ, ການສະກັດກັ້ນ ແລະ ຕ້ານການສໍ້ລາດບັງຫຼວງ,  ການປະສານສົມທົບໃນການດໍາການແກ້ໄຂຄໍາສະເໜີຂອງປະຊາຊົນ, ການປະຕິບັດການປັບປຸງກອງຫຼອນຂັ້ນບ້ານ, ການຕິດຕາມກວດກາຄົນເຂົ້າ-ອອກເມືອງ, ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຢາເສດຕິດຢູ່ຂັ້ນເມືອງ ຈາກນັ້ນ ບັນດາທ່ານທີ່ເຂົ້າຮ່ວມກອງປະຊຸມ ໄດ້ມີຄວາມຄິດຄວາມເຫັນແລກປ່ຽນຢ່າງກົງໄປກົງມາ ແລະ ເລີກເຊິ່ງ.  ທັງນີ້, ເພື່ອເປັນການຕິດຕາມກວດກາ ການຈັດຕັ້ງປະຕິບັດລັດຖະທໍານູນ, ກົດໝາຍ ແລະ ນິຕິກໍາໃຕ້ກົດ

ໝາຍ ໃນຂົງເຂດວຽກງານຍຸຕິທໍາ ປ້ອງກັນຊາດ-ປ້ອງກັນຄວາມສະຫງົບ ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃນໄລຍະຜ່ານມາ ແລະ ບັນຫາປະກົດການຫຍໍ້ທໍ້ຕ່າງໆ ແລະ ຫາງສຽງຂອງສັງຄົມທີ່ເກີດຂື້ນຢູ່ຂັ້ນເມືອງ ເພື່ອເກັບກໍາຂໍ້ມູນມາວິເຄາະວິໄຈ ໃຫ້ເຫັນໄດ້ບັນຫາ, ສາເຫດ ແລະ ວິທີທາງແກ້ໄຂ ເພື່ອເປັນຂໍ້ມູນພື້ນຖານໃນຕໍ່ໜ້າ.

ຕອນທ້າຍກອງປະຊຸມ ທ່ານ ນາງ ມີນາພອນ ໄຊສົມພູ ໄດ້ມີຄໍາເຫັນວ່າ: ກ່ອນອື່ນໄດ້ຂໍສະແດງຄວາມຍ້ອງຍໍຊົມເຊີຍໃນການຈັດຕັ້ງປະບັດວຽກງານຂອງບັນດາຂະແໜງໃນໄລຍະຜ່ານມາເຊິ່ງເຫັນໄດ້ມີຜົນສໍາເລັດຫຼາຍດ້ານ, ແຕ່ຍັງມີຂໍ້ຄົງຄ້າງ ແລະ ສິ່ງທ້າທາຍຫຼາຍປະການທີ່ຕ້ອງໄດ້ເອົາໃຈໃສ່ເປັນຕົ້ນ: ສືບຕໍ່ໃຫ້ອົງການກວດກາລັດ ສົມທົບກັບສະພາປະຊາຊົນແຂວງ ເອົາໃຈໃສ່ຕິດຕາມກວດກາ ແລະ ເກັບກໍາຂໍ້ມູນໃນການຈັດຕັ້ງປະຕິບັດ ລັດຖະທໍາມະນູນ, ກົດໝາຍ ແລະ ນິຕິກໍາ ຂອງອົງການບໍລິຫານ ຢ່າງເຂັ້ມງວດ ແລະ ສືບຕໍ່ເອົາໃຈໃສ່ຄຸ້ມຄອງ, ເກັບກໍາສະຖິຕິຄົນເຂົ້າ-ອອກເມືອງຢ່າງຊັດເຈນ, ຕີຖອຍປະກົດການຫຍໍ້ທໍ້ໃນຖັນແຖວພະນັກງານ, ປັບປຸງກອງຫຼອນຂັ້ນບ້ານໃຫ້ມີຄວາມໜັກແໜ້ນເຂັ້ມແຂງ, ສືບຕໍ່ເອົາໃຈໃສ່ຈັດຕັ້ງປະຕິບັດວຽກງານງານຄຽງຄູ່ ກັບການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ເພື່ອສ້າງຄວາມຮັບຮູ້ໃຫ້ສັງຄົມ ດ້ວຍການສຶກສາອົບຮົມ, ໂຄສະນາເຜີຍແຜ່ລະບຽບ ກົດໝາຍ, ຜົນຮ້າຍ ແລະ ຄວາມອັນຕະລາຍຂອງຢາເສບຕິດຢ່າງເປັນປົກກະຕິ ແລະ ຕໍ່ເນື່ອງດ້ວຍຫລາຍຮູບແບບ, ຫຼາຍວິທີ, ເອົາໃຈໃສ່ຊຸກຍູ້, ສົ່ງເສີມ ແລະ ສ້າງຄວາມເຂັ້ມແຂງ ໃຫ້ສະຖາບັນຄອບຄົວ ແລະ ຊຸມຊົນໃນການຕ້ານ, ສະກັດກັ້ນ ແລະ ແກ້ໄຂບັນຫາຢາເສບຕິດໃຫ້ແຂງແຮງ, ກໍານົດລະບອບລະບຽບການ, ກົນໄກ ແລະ ການຈັດຕັ້ງທີ່ເຂັ້ມແຂງ.

(ວິນັດ)