ວັນທີ 30ກັນຍາ ຫາ 3 ຕຸລາ 2024 ນີ້ ຄະນະຂອງ ທ່ານ ປອ ສົມສັກ ແສງສັກດາ ສະມາຊິກສະພາແຫ່ງຊາດ ເຂດເລືອກຕັ້ງ ທີ 15 ແຂວງຈຳປາສັກ, ປະທານຄະນະກຳມະການເສດຖະກິດ, ແຜນການ ແລະ ການເງິນ, ທ່ານ ນາງ ທອງລ່ຽນ ສຸລະທາທອນ ຮອງເລຂາພັກເມືອງ ປະທານກວດກາພັກລັດເມືອງ, ສະມາຊິກສະພາປະຊາຊົນແຂວງ ເຂດເລືອກຕັ້ງເມືອງບາຈຽງຈະເລີນສຸກ, ທ່ານ ບຸນຮອນ ໄຊຍະວົງ ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງບາຈຽງ, ທ່ານ ບຸນສີ ຈິດໂພໝັ້ນ ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງບາຈຽງ ພ້ອມຄະນະ ແລະ ຄະນະພັກຮາກຖານກຸ່ມ ໄດ້ລົງເຄື່ອນໄຫວພົບປະຢ້ຽມຢາມ ແລະ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນແຂວງ ຊຸດທີ II ຢູ່ໃນ7ຈຸດ 6 ບ້ານ ແລະ 1ສຳນັກງານປົກຄອງເມືອງ ຄື : ບ້ານ ໂນນອຸດົມ ບ້ານແກ້ງຍາວ, ບ້ານໜອງກອກ, ບ້ານ ໜອງນ້ຳຂາວ, ບ້ານ ຫຼັກ19 , ບ້ານລົ່ມສັກໃຕ້ ແລະ ສຳນັກງານປົກຄອງເມືອງ ບາຈຽງຈະເລີນສຸກ.

ການເຄື່ອງໄຫວໃນແຕ່ລະຈຸດ, ບັນດາທ່ານສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ໄດ້ຮັບຟັງການລາຍງານກ່ຽວກັບສະພາບການພັດທະນາເສດຖະກິດ-ສັງຄົມຂອງແຕ່ລະບ້ານແລະອົງການປົກຄອງເມືອງ ໃນໄລຍະຜ່ານມາໂດຍສັງເຂບ ເຊິ່ງເຫັນໄດ້ໝາກຜົນຜົນງານດ້ານດີ ແລະ ບົດຮຽນທີ່ຖອດຖອນໄດ້ ທີ່ອົງການປົກຄອງຂັ້ນທ້ອງຖິນຈະຕ້ອງໄດ້ເພີ່ມທະວີໃນການຈັດຕັ້ງປະຕິບັດ ແລະປັບປຸງແກ້ໄຂໃນຕໍ່ໜ້າ. ຈາກນັ້ນ ສສຊ ແລະ ສສຂ ຍັງໄດ້ຜັດປ່ຽນກັນໂອ້ລົມຕໍ່ພໍ່ແມ່ປະຊາຊົນແລະເຜີຍແຜ່ເນື້ອໃນທີ່ສໍາຄັນຂອງກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX ເປັນຕົ້ນແມ່ນໄດ້ມີການຮັບຮອງເອົາຫຼາຍບັນຫາທີ່ສໍາຄັນເຊັ່ນ: ສູ້ຊົນໃຫ້ມີນັກທ່ອງທ່ຽວເຂົ້າມາທ່ຽວແຂວງຈຳປາສັກ,ປຸກລະດົມທົ່ວສັງຄົມໃຫ້ເຂົ້າໃຈແລະເຮັດວຽກງານບໍລິການແກ່ນັກທ່ອງທ່ຽວ,ກຳນົດເຂດສະຫງວນສຳສັບສະຖານທີທ່ອງທ່ຽວທີ່ແຂວງໄດ້ຮັບຮອງແລ້ວໃຫ້ບັນດາເມືອງ,ນະຄອນໃຫ້ສຳເລັດໂດຍສະເພາະສະຖານທີ່ທ່ອງທ່ຽວທຳມະຊາດນຳ້ຕົກຕາດ.ສະຖານທີ່ທ່ອງທ່ຽວວັດທະນະທຳ ບັນດາສະຖານບູຮານທີມີຄວາມສຽງຕໍ່ການຖືກປຸກລຸກຢຶດຈອງເນື້ອທີ່ດິນທຳລາຍປ່າໄມ້ແລະແຫຼງນຳ້,ຈັດກິດຈະກຳງານນີທັດສະການແລະງານເທດສະການຕາມຮິດຄອງປະເພນີທີແຂວງໄດ້ຮັບຮອງຈຳນວນ30ງານໃນນັ້ນຂັ້ນແຂວງ7ງານໃຫ້ກາຍເປັນງານທີ່ສະແດງອອກເຖີງຄວາມເປັນເອກກະລັກທາງດ້ານວັດທະນະທຳທ່ອງຖິ່ນ ນອກນັ້ນຍັງຮັບຟັງຄໍາສະເໜີຂອງພໍ່ແມ່ປະຊາຊົນເພື່ອສະເໜີຕໍ່ພາກສ່ວນທີ່ກ່ຽວຂ້ອງໄດ້ຮັບຮູ້ ແລະ ພິຈາລະນາແກ້ໄຂຕາມຄວາມເໜາະສົມ. ໃນໂອກາດທີ່ລົງເຄື່ອງໄຫວ, ຄະນະຍັງໄດ້ນໍາເອົາອຸປະກອນການສຶກສາຈໍານວນໜຶ່ງມອບໃຫ້ອໍານາດການປົກຄອງບ້ານໂຮງຮຽນອິກດ້ວຍ.