(ສພຊ) ໂດຍປະຕິບັດຕາມວາລະດຳເນີນກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII, ໃນວັນທີ 24-26 ຕຸລາ 2017, ທີ່ຫ້ອງປະຊຸມສະພາແຫ່ງຊາດ ຫລັກ 6; ເຂົ້າຮ່ວມ ເຂົ້າຮ່ວມມີທ່ານ ລັດຖະມົນຕີ ແລະ ສະມາຊິກສະພາແຫ່ງຊາດ (ສສຊ) ຊຸດທີ VIII ປະຈຳ 18 ເຂດເລືອກຕັ້ງໃນທົ່ວປະເທດເຂົ້າຮ່ວມ.
ໃນວາລະຕອນເຊົ້າຂອງກອງປະຊຸມ ວັນອັງຄານທີ 24 ຕຸລາ 2017, ໂດຍການເປັນປະທານຂອງທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ, ກອງປະຊຸມໄດ້ຮັບຟັງການລາຍງານກ່ຽວກັບການຈັດຕັ້ງປະຕິບັດແຜນການທ່ອງທ່ຽວໃນຊຸມປີຜ່ານມາ ແລະ ທິດທາງແຜນການໃນຕໍ່ໜ້າ ໂດຍທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລ ທ່ອງທ່ຽວ; ທ່ານ ສົມພູ ດວງສະຫວັນ ປະທານກຳມາທິການວັດທະນະທຳ-ສັງຄົມ, ຕາງໜ້າຄະນະປະຈຳສະພາແຫ່ງຊາດ ໄດ້ມີຄຳເຫັນຕໍ່ບົດລາຍງານກ່ຽວກັບການຈັດຕັ້ງປະຕິບັດແຜນການທ່ອງທ່ຽວໃນຊຸມປີຜ່ານມາ ແລະ ທິດທາງແຜນການໃນຕໍ່ໜ້າ; ສສຊ ໄດ້ປະກອບຄຳເຫັນຕາມການເຈາະຈິ້ມ ແລະ ທິດຊີນຳຂອງປະທານກອງປະຊຸມ; ຈາກນັ້ນ ປະທານກອງປະຊຸມໄດ້ສະຫລຸບສັງລວມການປະກອບຄຳເຫັນ ແລະ ການສະເໜີຂອງ ສສຊ, ທ່ານ ນາງ ສວນສະຫວັນ ວິຍະເກດ ເລຂາທິການສະພາແຫ່ງຊາດ ໄດ້ອ່ານມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານກ່ຽວກັບການຈັດຕັ້ງປະຕິບັດແຜນການວຽກງານທ່ອງທ່ຽວ ໃນຊຸມປີຜ່ານມາ ແລະ ທິດທາງແຜນການໃນຕໍ່ໜ້າ ສສຊ ໄດ້ໃຊ້ສິດຂອງຕົນລົງຄະແນນສຽງຮັບຮອງເອົາມະຕິດັງກ່າວ ລວມຄະແນນສຽງ 128 ສຽງ, ເຫັນດີ 118 ສຽງ, ບໍ່ເຫັນດີ 8 ສຽງ, ບໍ່ອອກສຽງ 2 ສຽງ.
ຕອນເຊົ້າວັນພຸດ ທີ 25 ຕຸລາ 2017 ໂດຍການເປັນປະທານຂອງທ່ານ ນາງ ສິໃສ ລືເດດມູນສອນ ຮອງປະທານສະພາແຫ່ງຊາດ ຊຸດທີ VIII ໄດ້ຮັບຟັງລາຍງານກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານ ປະຈຳປີ 2017 ແລະ ທິດທາງແຜນການເຄື່ອນໄຫວວຽກງານ ປະຈຳປີ 2018 ຂອງອົງການໄອຍະການປະຊາຊົນສູງສຸດ ໂດຍທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດ; ໄດ້ຮັບຟັງລາຍງານຂອງກະຊວງຍຸຕິທຳ ກ່ຽວກັບການຈັດຕັ້ງປະຕິບັດຄຳຕັດສິນຂອງສານທີ່ໃຊ້ໄດ້ຢ່າງເດັດຂາດໃນໄລຍະຜ່ານມາ ແລະ ທິດທາງແກ້ໄຂໃນຕໍ່ໜ້າ ໂດຍທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທຳ; ທ່ານ ນາງ ບົວຄຳ ທິບພະວົງ ປະທ່ານກຳມາທິການຍຸຕິທຳ ໄດ້ປະກອບຄຳເຫັນຕໍ່ບົດລາຍງານຂອງອົງການໄອຍະການປະຊາຊົນສູງສຸດ, ສານປະຊາຊົນສູງສຸດ ແລະ ກະຊວງຍຸຕິທຳ; ຈາກນັ້ນ ສສຊ ໄດ້ຜັດປ່ຽນກັນປະກອບຄຳຄິດຄຳເຫັນໃສ່ບົດລາຍງານຂອງອົງການໄອຍະການປະຊາຊົນສູງສຸດ,ສານປະຊາຊົນສູງສຸດ ແລະ ກະຊວງຍຸຕິທຳ ຕາມການເຈາະຈິ້ມຂອງປະທານກອງປະຊຸມ.
ໃນຕອນເຊົ້າວັນພະຫັດທີ 26 ຕຸລາ 2017, ໂດຍການເປັນປະທານຂອງທ່ານ ນາງ ສີໃສ ລືເດດມູນສອນ ຮອງປະທານສະພາແຫ່ງ; ບັນດາທ່ານ ສສຊ ສືບຕໍ່ປະກອບຄຳເຫັນຕໍ່ບົດລາຍງານຂອງອົງການໄອຍະການປະຊາຊົນສູງສຸດ, ສານປະຊາຊົນສູງສຸດ ແລະ ກະຊວງຍຸຕິທຳ; ສ່ວນຕອນບ່າຍ ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນສູງສຸດ; ທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດ ໄດ້ຊີ້ແຈງຕໍ່ຄຳຊັກຖາມຂອງ ສສຊ, ຫລັງຈາກນັ້ນ ປະທານກອງປະຊຸມສະຫລຸບສັງລວມການປະກອບຄຳເຫັນ ແລະ ສະເໜີ ສສຊ; ທ່ານ ນາງ ສວນສະຫວັນ ວີຍະເກດ ເລຂາທິການສະພາແຫ່ງຊາດ ໄດ້ອ່ານມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານຂອງອົງການໄອຍະການປະຊາຊົນສູງສຸດ, ສານປະຊາຊົນສູງສຸດ ແລະ ກະຊວງຍຸຕິທຳ; ສສຊ ໄດ້ໃຊ້ສິດຂອງຕົນລົງຄະແນນສຽງຮັບຮອງເອົາມະຕິຂອງກອງປະຊຸມລວມ …… ທ່ານ, ເຫັນດີ…., ບໍ່ເຫັນດີ…. ທ່ານ, ບໍ່ອອກສຽງ…… ທ່ານ.