(ສພຊ) ໃນວັນທີ 14 ທັນວາ 2018, ໂດຍການເປັນປະທານຂອງທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ເຊິ່ງໄດ້ຮັບຟັງການສະເໜີຮ່າງກົດໝາຍວ່າດ້ວຍຄວາມປອດໄພຈາກລັງສີ (ສ້າງໃໝ່) ໂດຍທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ; ພາຍຫລັງຮັບຟັງການສະເໜີແລ້ວທ່ານປະທານກອງປະຊຸມໄດ້ເຈາະຈີ້ມ ແລະ ໃຫ້ທິດຊີ້ນຳໃນການປະກອບຄຳເຫັນ; ບັນດາທ່ານ ສສຊ ໄດ້ສຸມສະຕິປັນຍາຄົ້ນຄວ້າປະກອບຄຳຄິດຄຳເຫັນໃສ່ຮ່າງກົດໝາຍດັ່ງກ່າວຢ່າງມີເຫດມີຜົນ ແລະ ກົງໄປກົງມາ ເຊິ່ງບັນຫາລັງສີແມ່ນມີຜົນກະທົບຕໍ່ຊີວິດ ແລະ ຊັບສິນຂອງປະຊາຊົນລາວບັນດາເຜົ່າ; ຈາກນັ້ນ, ຕາງໜ້າອະນຸກຳມະການສ້າງຮ່າງກົດໝາຍກໍໄດ້ໃຫ້ຄວາມກະຈ່າງແຈ້ງຕໍ່ຄຳຊັກຖາມຂອງບັນດາທ່ານ ສສຊ.

ພ້ອມດຽວກັນນັ້ນ, ປະທານກອງປະຊຸມໄດ້ສະຫລຸບສັງລວມການປະກອບຄຳເຫັນ ແລ້ວສະເໜີໃຫ້ບັນດາທ່ານ ສສຊ ໃຊ້ສິດຂອງຕົນລົງຄະແນນສຽງຮັບຮອງເອົາຮ່າງກົດໝາຍວ່າດ້ວຍຄວາມປອດໄພຈາກລັງສີ (ສ້າງໃໝ່) ເຊິ່ງຜົນຂອງການລົງຄະແນນສຽງແມ່ນເຫັນດີ  ທ່ານ, ບໍ່ເຫັນດີ  ທ່ານ, ບໍ່ອອກສຽງ  ທ່ານ, ລວມ  ສຽງ.