ວັນທີ 24 – 28 ຕຸລາ 2023 ຜ່ານມາ ສະມາຊິກສະພາປະຊາຊົນ ແຂວງຫົວພັນ ປະຈຳເຂດເລືອກຕັ້ງເມືອງແອດ ນຳໂດຍ: ທ່ານ ປອ ສົມສັກ ຈັນມາລີ; ທ່ານ ສຸກສົມພັນ ແກ້ວມີໄຊ ແລະ ທ່ານ ນູສອນ ແກ້ວພະພຸດ ສະມາຊິກສະພາປະຊາຊົນແຂວງ ປະຈຳເຂດເລືອກ ຕັ້ງເມືອງ ແອດ ລົງເຄືອນໄຫວຢ້ຽມຢາມພົບປະ ພໍ່ແມ່ປະຊາຊົນ ແລະ ເຜີຍແຜ່ຜົສຳເລັດ ກອງປະຊຸມ  ສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ IX ແລະ ຜົນສຳເລັດ ກອງປະຊຸມ ສະໄໝສາມັນ ເທື່ອທີ 5 ຂອງສະພາປະຊາຊົນ ແຂວງຫົວພັນ ຊຸດທີ II ຢູ່ເມືອງແອດ ໄດ້ທັງໝົດ 4 ຈຸດ 5 ບ້ານ ຄື:ບ້ານ ນາເກືອເໜືອ; ບ້ານນາເກືອໃຕ້; ບ້ານແທນລວງ; ບ້ານນາແງ ແລະ ບ້ານຫາດກູ້ ມີຜູ້ເຂົ້າຮ່ວມຮັບຟັງທັງໝົດ 291 ຄົນ, ຍິງ 92 ຄົນ.

ໂອກາດລົງພົບປະ ປະຊາຊົນຄັ້ງນີ້ ທາງຄະນະຍັງໄດ້ນຳເອົາເຄື່ອງ ນຸ່ງຫົ່ມ ມອບໃຫ້ຄອບຄົວທຸກຍາກ ຢູ່ບ້ານດັ່ງກ່າວ ລວມມູນຄ່າ 1.300.000 ກວ່າກີບ.