ເພື່ອເຮັດໃຫ້ບັນດາເນື້ອໃນຮ່າງກົດໝາຍ ມີເນື້ອໃນຄົບຖ້ວນ, ສົມບູນ ແລະ ສອດຄ່ອງກັບສະພາບຄວາມເປັນຈິງ ໃນຕອນເຊົ້າ ວັນທີ 4 ເມສາ 2024 ນີ້ ນຳໂດຍ ທ່ານ ທອນສຸກ ເພັດວິຍານ ຮອງປະທານ ຄະນະກຳມະການຍຸຕິທຳ ແລະ ປ້ອງກັນຊາດ – ປ້ອງກັນຄວາມສະຫງົບ ສະພາປະຊາຊົນ ແຂວງຫົວພັນ,

ທ່ານ ນາງ ພອນສີ ໄຊຍະບຸນ ຮອງເລຂາການສະພາປະຊາຊົນແຂວງ             ພ້ອມດ້ວຍວິຊາການຈາກຄະນະກໍາມະການທີ່ກ່ຽວຂ້ອງພາຍໃນສະພາປະຊາຊົນແຂວງ ເຂົ້າຮ່ວມກອງປະຊຸມທາງໄກຮ່ວມກັບສະພາແຫ່ງຊາດ ແລະ ຄະນະສະມາຊິກສະພາແຫ່ງຊາດ 18 ເຂດເລືອກຕັ້ງ ທົ່ວປະເທດ ເພື່ອຮັບຟັງການແນະນໍາປະກອບຄໍາເຫັນ ກ່ຽວກັບການທາບທາມຮ່າງກົດໝາຍຈໍານວນ 10 ສະບັບ ທີ່ຈະນໍາເຂົ້າພິຈາລະນາຮັບຮອງ ໃນກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດຊຸດທີ IX.