ໃນລະຫວ່າງວັນທີ 27-30 ມີນາ 2023 ນີ້ ສະພາປະຊາຊົນແຂວງ ຫລວງນ້ຳທາ ນຳໂດຍທ່ານ ນາງ ເກສອນ ແສງຍະວົງ ສະມາຊິກສະພາແຫ່ງຊາດປະຈຳເຂດເລືອກຕັ້ງ ປະທານຄະນະກຳມະການວັດທະນາທຳ-ສັງຄົມ ແລະ ບັນດາເຜົ່າ ຂອງສະພາປະຊາຊົນແຂວງ ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມກວດກາ ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ໂຄງການລົງທຶນຂອງລັດ ແລະ ຕິດພັນກັບ 2 ວາລະແຫ່ງຊາດ ຢູ່ທີ່ຫ້ອງປະຊຸມຂອງຫ້ອງວ່າການເມືອງພູຄາ ແລະ ຫລວງນ້ຳທາ  ແຂວງຫລວງນ້ຳທາມີເລຂາພັກເມືອງ, ຮອງເລຂາພັກເມືອງ, ຄະນະນະປະຈໍາພັກເມືອງ, ມີສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງ, ຫົວໜ້າ, ຮອງຫົວໜ້າຫ້ອງການ ອ້ອມຂ້າງເມືອງທີ່ກ່ຽວຂ້ອງ, ຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງ, ຫົວໜ້າ, ເຂົ້າຮ່ວມ 45 ຄົນ, ຍິງ 11 ຄົນ.

ຈຸດປະສົງໃນການລົງຕິດຕາມກວດກາຄັ້ງນີ້ ເພື່ອຕິດຕາມກວດກາ ກ່ຽວກັບການປະຕິບັດລັດຖະທຳມະນູນ ແລະ ກົດໝາຍ ຂອງອົງການກ່ຽວຂ້ອງຂັ້ນເມືອງໃນຂົງເຂດເສດຖະກິດ, ແຜນການການ ແລະ ການເງິນ, ຍຸຕິທຳ ແລະ ປ້ອງກັນຊາດ-ປ້ອງກັນຄວາມສະຫງົບ, ການຈັດຕັ້ງປະຕິບັດໂຄງການ ທີ່ມີຄວາມລ້າຊ້າ, ການປະຕິບັດສັນຍາຢູ່ບັນດາເມືອງ ໃຫ້ມີຄວາມສອດຄ່ອງໂປ່ງໃສ, ສ້າງຜົນປະໂຫຍດໃຫ້ແກ່ປະຊາຊົນບັນດາເຜົ່າ, ຕິດຕາມການຈັດຕັ້ງປະຕິບັເດ 2 ວາລະແຫ່ງຊາດດ້ານເສດຖະກິດ-ການເງິນ, ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດໂຄງການລົງທືນຂອງລັດ ພ້ອມດຽວກັນ ບັນດາຫ້ອງການທີ່ກ່ຽວຂ້ອງຂອງເມືອງ ໄດ້ຜ່ານບົດລາຍງານການຈັດຕັ້ງປະຕິບັດວຽກງານໃນໄລຍະຜ່ານມາ ຕາມຄຳຖາມເຈາະຈິ້ມຂອງສະພາປະຊາຊົນແຂວງ ເປັນຕົ້ນ: ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ປະຈຳປີ 2022 ແລະ ທິດທາງແຜນການປີ 2023 ແລະ ໂຄງການລົງທຶນຂອງລັດຢູ່ບັນດາເມືອງ; ໂຄງການລົງທືນຂອງລັດ ຕາມຮ່ວງເງິນຕ່າງໆ ທີ່ໄດ້ຮັບຮອງໂດຍສະພາປະຊາຊົນແຂວງ; ຮັບຟັງການສະເໜີຫາງສຽງຂອງປະຊາຊົນທີ່ປະຊາຊົນສະເໜີກ່ຽວກັບຄຸນນະພາບຂອງໂຄງການ, ຜົນໄດ້ຮັບຂອງໂຄງການຂອງປະຊາຊົນ ແລະ ຮັບຟັງການຈັດຕັ້ງປະຕິບັດ 2 ວາລະແຫ່ງຊາດວ່າດ້ວຍການແກ້ໄຂຢາເສບຕິດ ແລະ ການແກ້ໄຂເສດຖະກິດ-ການເງິນຢູ່ບັນດາເມືອງ, ນອກນັ້ນ ຍັງໄດ້ລົງຕິດຕາມກວດກາພື້ນທີ່ຕົວຈິງຂອງໂຄງການລົງທືນຂອງລັດຢູ່ເມືອງ.

ພາບ ແລະ ຂ່າວ ນາງ ອາເມີງວີແຄລູ