(ສພຊ) ໃນຕອນເຊົ້າຂອງວັນສຸກທີ 15 ຕຸລາ 2021 ທີ່ຫ້ອງຮັບແຂກສະພາແຫ່ງຊາດ ທະນາຄານພົງສະຫວັນໄດ້ມອບເງິນ ຈໍານວນ 100.000.000 ກີບ ໃຫ້ແກ່ສະພາແຫ່ງຊາດ ເພື່ອເປັນການສົມທົບທຶນເຂົ້າກອງທຶນຊ່ວຍເຫລືອສັງຄົມ ສະພາແຫ່ງຊາດ ນໍາໃຊ້ເຂົ້າໃນວຽກງານການຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ ສປປລາວ.

​ໃນພິທີດັ່ງກ່າວ, ຕາງໜ້າໃຫ້ສະພາແຫ່ງຊາດ ກ່າວຮັບໂດຍທ່ານ ຄໍາໃບ ດໍາລັດ ຮອງປະທານປະທານສະພາແຫ່ງຊາດ ແລະ ຕາງໜ້າໃຫ້ທະນາຄານພົງສະຫວັນ ກ່າວມອບໂດຍ ທ່ານ ສົມບູນ ພົງສະຫວັນ.

(ພາບ ແລະ ຂ່າວ: ສອນສັກ ວັນວິໄຊ)