(ສພຊ) ໃນວັນທີ 16 ພະຈິກ 2023 ທີ່ສະພາແຫ່ງຊາດ ນະຄອນຫຼວງວຽງຈັນ ໄດ້ມີພິທີມອບ-ຮັບ ອາຫານວ່າງ ລວມມູນຄ່າ 18 ລ້ານກວ່າກີບ ຈາກບໍລິສັດ ສາຍຂອງການຄ້າ ຂາອອກຂາເຂົ້າ ຈຳກັດຜູ້ດຽວ ໃຫ້ແກ່ສະພາແຫ່ງຊາດ ເພື່ອປະກອບສ່ວນຊຸກຍູ້ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ເຊິ່ງຕາງໜ້າບໍລິສັດ ສາຍຂອງການຄ້າ ຂາອອກຂາເຂົ້າ ຈຳກັດຜູ້ດຽວ ມອບໂດຍທ່ານ ຄຳພັນ ໄຊຊວນຫາ ປະທານບໍລິສັດ ແລະ ຕາງໜ້າຮັບໂດຍທ່ານ ປອ. ອາລຸນຍາເດດ ຣາຊະພົນ ຫົວໜ້າກົມບໍລິຫານ-ພິທີການ ຄະນະເລຂາທິການສະພາແຫ່ງຊາດ, ມີພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

ໂອກາດດັ່ງກ່າວ, ທ່ານ ປອ. ອາລຸນຍາເດດ ຣາຊະພົນ ຍັງໄດ້ຕາງໜ້າໃຫ້ ຄະນະເລຂາທິການສະພາແຫ່ງຊາດ ມອບໃບຊົມເຊີຍຂອງ ຄະນະເລຂາທິການສະພາແຫ່ງຊາດ ໃຫ້ບໍລິສັດ ສາຍຂອງການຄ້າ ຂາອອກຂາເຂົ້າ ຈຳກັດຜູ້ດຽວ ທີ່ມີຜົນງານດີເດັ່ນໃນການປະກອບສ່ວນໃນຄັ້ງນີ້.