(ສພຊ) ໃນວັນທີ 15 ມິຖຸນາ 2023 ທີ່ຫໍສະພາແຫ່ງຊາດ ນະຄອນຫຼວງວຽງຈັນ ໄດ້ມີພິທີມອບ-ຮັບເງິນ ໃຫ້ແກ່ກອງທຶນຊ່ວຍເຫຼືອສັງຄົມ ສະພາແຫ່ງຊາດ ເພື່ອປະກອບສ່ວນຊ່ວຍເຫຼືອສັງຄົມ ຈາກທ່ານ ອາຊື ກອນສິນ ປະທານກຸ່ມບໍລິສັດລາວ ກອນສິນ ສາກົນ ຈຳກັດຜູ້ດຽວ ເປັນຈຳນວນເງິນ 20.000.000 ກີບ (ຊາວລ້ານກີບ) ກ່າວຮັບໂດຍທ່ານ ນາງ ມະນີວັນ ເຢຍປາວເຮີ ຮອງປະທານກຳມາທິການວັດທະນະທຳ-ສັງຄົມ ທັງເປັນຮອງປະ ທານກອງທຶນຊ່ວຍເຫຼືອສັງຄົມສະພາແຫ່ງຊາດ ພ້ອມຄະນະກອງທຶນ.

ໂອກາດດັ່ງກ່າວ ທ່ານ ນາງ ມະນີວັນ ເຢຍປາວເຮີ ໄດ້ກ່າວສະແດງຄວາມຂອບໃຈ ທີ່ທາງກຸ່ມບໍລິສັດລາວ ກອນສິນ ສາກົນ ຈຳກັດຜູ້ດຽວ ໄດ້ປະກອບສ່ວນໃຫ້ການສະໜັບສະໜູນ ເຊິ່ງເງິນຈໍານວນດັ່ງກ່າວ ແມ່ນຈະນໍາໄປ ຊື້ອຸປະກອນການຮຽນ, ກິລາ ແລະ ອຸປະກອນການແພດ ໃນໂອກາດທີ່ ການນໍາຂອງສະພາແຫ່ງຊາດ ລົງເຄື່ອນໄຫວ ພົບປະຜູ້ມີສິດເລືອກຕັ້ງ.

(ພາບ ແລະ ຂ່າວ: ນາງ ໄຊໂສພາພອນ ມິ່ງມຸງຄຸນ)