(ສພຊ) – ຕອນບ່າຍວັນທີ 19 ພະຈິກຜ່ານມາ ທີ່ສະພາແຫ່ງຊາດ ໄດ້ມີພິທີມອບ-ຮັບອຸປະກອນໄອທີ ປະກອບມີຄອມພິວເຕີ 10 ໜ່ວຍ ແລະ ໂປຣແກຣມຊ່ວຍການປະຕິບັດງານ ລວມມູນຄ່າ 152 ລ້ານກີບ ຈາກກຸ່ມບໍລິສັດ ອີພີແອວ ຈຳກັດຜູ້ດຽວ ໃຫ້ແກ່ສະພາແຫ່ງຊາດ, ຕາງໜ້າກ່າວມອບໂດຍທ່ານ ແອັດ ພົມວິໄລ ປະທານກຸ່ມບໍລິສັດ ອີພີແອວ ຈຳກັດຜູ້ດຽວ ແລະ ຕາງໜ້າກ່າວຮັບໂດຍທ່ານ ປອ. ອາຄົມ ປຣະເສີດ ຮອງເລຂາທິການສະພາແຫ່ງຊາດ ເຊິ່ງມີພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພະຍານ.

ທ່ານ ປອ. ອາຄົມ ປຣະເສີດ ໄດ້ສະແດງຄວາມຂອບໃຈ ແລະ ມອບໃບຍ້ອງຍໍຂອງຄະນະປະຈຳສະພາແຫ່ງຊາດ ເພື່ອເປັນການຍ້ອງຍໍຜົນງານດີເດັ່ນໃນການປະກອບສ່ວນຊຸກຍູ້ ແລະ ອຸປະຖຳໃນຄັ້ງນີ້.

(ນາງ ອາລິນ ສຸພິມມະປະດິດ)