(ສພຊ) ໃນວັນທີ 12 ສິງຫາ 2022, ທີ່ຫໍສະພາແຫ່ງຊາດ ໄດ້ມີພິທີມອບ-ຮັບການສົມທົບທຶນເຂົ້າກອງທຶນຊ່ວຍເຫຼືອສັງຄົມສະພາແຫ່ງຊາດ ຈາກ ບໍລິສັດ Wang Investment ຈໍາກັດ ມູນຄ່າ 300.000.000 ກີບ, ຕາງໜ້າມອບໂດຍທ່ານ ດິງຢຸງ ຫວັງ Dingyu Wang ປະທານບໍລິສັດ Wang Investment ຈໍາກັດ ແລະ ຕາງໜ້າຮັບໂດຍທ່ານ ດຣ. ນາງ ວິພາວັນ ພົມວິຫານ ປະທານກອງທຶນຊ່ວຍເຫຼືອສັງຄົມສະພາແຫ່ງຊາດ ພ້ອມດ້ວຍຄະນະຮັບຜິດຊອບກອງທຶນຊ່ວຍເຫຼືອສັງຄົມສະພາແຫ່ງຊາດ ແລະ ທ່ານຜູ້ຕາງໜ້າຈາກສະຫະພັນແມ່ຍິງສະພາແຫ່ງຊາດ.

ການຊ່ວຍເຫຼືອໃນຄັ້ງນີ້ ຈະເປັນການປະກອບສ່ວນເພື່ອໃຫ້ກອງທຶນໄດ້ນຳໄປສືບຕໍ່ຊຸກຍູ້ຊ່ວຍເຫຼືອສັງຄົມຄືໄລຍະຜ່ານມາຕາມຈຸດປະສົງ ແລະ ເປົ້າໝາຍ ຂອງກອງທຶນ ໂດຍສະເພາະ ດ້ານວຽກງານສາທາລະນະສຸກ, ແພດ-ໝໍ ທີ່ປະຕິບັດໜ້າທີ່ໂດຍກົງຕໍ່ການແຜ່ລະບາດຂອງພະຍາດໂຄວິດ-19, ວຽກງານການສຶກສາ ແລະ ຜູ້ທີ່ໄດ້ຮັບຜົນກະທົບຈາກໄພພິບັດທໍາມະຊາດ.

(ຂ່າວ: ກົງທະນູຄຳ, ພາບ: ສຸພາວັນ)