ວັນທີ 8 ຕຸລາ 2024 ນີ້, ທີ່ຫ້ອງປະຊຸມສະພາປະຊາຊົນແຂວງ ໄດ້ຈັດພິທິ ຮັບມະຫາຊົນກ້າວໜ້າ ເຂົ້າພັກສຳຮອງ ແລະ​ ມອບໃບຍ້ອງຍໍປະຈໍາປີ 2023​ ໂດຍການເປັນປະທານຂອງສະຫາຍ ນາງ ມີນາພອນ ໄຊສົມພູ ຮອງເລຂາພັກແຂວງ ປະທານສະພາປະຊາຊົນແຂວງ, ມີບັນດາສະຫາຍຄະນະພັກຮາກຖານສະພາປະຊາຊົນແຂວງ, ຄະນະໜ່ວຍພັກຄະນະກໍາມະການ, ຄະນະເລຂາທິການ ພ້ອມດ້ວຍສະມາຊິກພັກ ແລະ ແຂກຖືກເຊີນເຂົ້າຮ່ວມ

ໃນພິທີໄດ້ຜ່ານມະຕິຕົກລົງຂອງຄະນະປະຈຳພັກແຂວງ ວ່າດ້ວຍ ການອະນຸມັດມະຫາຊົນກ້າວ ເຂົ້າເປັນສະມາຊິກພັກ ປະຊາຊົນປະຕິວັດລາວ ສະໄໝສໍາຮອງ ຂອງຄະນະພັກຮາກຖານສະພາປະຊາຊົນແຂວງ ຈຳນວນ 3 ສະຫາຍ ເຊິ່ງມະຫາຊົນກ້າວໜ້າທີ່ເຂົ້າພັກສຳຮອງ 3 ສະຫາຍນີ້ແມ່ນໄດ້ຜ່ານການຝຶກຝົນຫຼໍ່ຫຼອມກໍ່ສ້າງ ແລະ ຕິດຕາມປະເມີນຈາກຄະນະພັກ, ໜ່ວຍພັກ ແລະ ສະມາຊິກພັກແລ້ວ, ເຫັນໄດ້ວ່າເປັນຜູ້ທີ່ມີຄຸນສົມບັດສິນທໍາປະຕິວັດ,ມີຄວາມຮູ້ ຄວາມສາມາດ,ມີຄວາມສາມັກຄີພາຍໃນ ແລະພາຍນອກຢ່າງ ກ້ວາງຂວາງ ມີແບບແຜນວິທີເຮັດວຽກ,ມີຄວາມຫ້າວຫັນ,ສູ້ຊົນ ແລະ ເຮັດສຳເລັດໜ້າທີ່ວຽກງານຕາມພັກ-ລັດມອບໝາຍໃຫ້ ພ້ອມທັງມີຄວາມຮັບຜິດຊອບສູງ ແລະມີຜົນງານດີເດັ່ນ ແລະ ໄດ້ຮັບຄວາມໄວ້ວາງໃຈຈາກອົງການຈັດຕັ້ງມາຫາຊົນ ຢ່າງຄົບຖ້ວນຕາມມາດຖານເງື່ອນໄຂ,ດັ່ງນັ້ນຈິ່ງໄດ້ຈັດພິທີຮັບມະຫາຊົນກ້າວໜ້າເຂົ້າພັກສຳຮອງຢ່າງສົມກຽດ,

ຈາກນັ້ນໄດ້ຜ່ານຂໍ້ຕົກລົງເຈົ້າແຂວງ ແຂວງອັດຕະປື ສະບັບເລກທີ 892/ຈຂອປ ວ່າດ້ວຍການຍ້ອງຍໍສັນລະເສີນໃຫ້ແກ່ບຸກຄົນທີ່ມີຜົນງານດີເດັ່ນ ປະຈໍາປີ 2023 ຊຶ່ງພະນັກງານ-ລັດຖະກອນ ສະພາປະຊາຊົນແຂວງໄດ້ຮັບການຍ້ອງຍໍປະເພດ I ມີຈໍານວນ 22 ທ່ານຍິງ 8 ທ່ານ ແລະ ປະເພດ II ມີ 24 ທ່ານຍິງ 13 ທ່ານ.

ໃນໂອກາດນີ້, ປະທານກອງປະຊຸມ ກໍ່ໄດ້ມີ ຄຳຫັນໂອ້ລົມຕໍ່ ມະຫາຊົນກ້າວໜ້າເຂົ້າພັກສຳຮອງຈົ່ງພ້ອມກັນເປັນ ເຈົ້າການປະຕິບັດແນວທາງນະໂຍບາຍ,ມະຕິ,ຄຳສັ່ງ,ກົດລະບຽບພັກ,ກົດ ໝາຍຂອງລັດຢ່າງເຂັ້ມງວດ ໂດຍສະເພາະປະຕິບັດໜ້າທີ່ຕາມພາລະບົດບາດ,ສິດ,ໜ້າທີ່ ແລະ ຂໍ້ຫ້າມຂອງສະມາຊິກພັກ ພ້ອມກັນຕັ້ງໜ້າຝຶກຝົນຫຼໍ່ຫຼອມຕົນເອງ ທາງດ້ານການເມືອງ-ແນວຄິດ ຄຸນສົມບັດສິນທຳປະຕິວັດ ມີຄວາມຈົ່ງຮັກພັກດີຕໍ່ ປະຊາຊົນ ແລະ ປະເທດຊາດ ເພີ່ມທະວີຄວາມສາມັກຄີ ພ້ອມທັງເປັນແບບຢ່າງ ທີ່ດີໃຫ້ມາຫາຊົນ​,ສ້າງຄວາມ ສາມັກຄີພາຍໃນພັກ ແລະ ຮໍ່າຮຽນເຊື່ອມຊືມກໍາແໜ້ນແນວທາງນະໂຍບາຍວາງອອກ, ໝູນໃຊ້ເຂົ້າໃນໜ້າທີ່ວຽກງານໃນໄລຍະໃໝ່ ໃຫ້ດີກວ່າເກົ່າ ແລະ ໄດ້ຊົມເຊີຍ ພະນັກງານ-ລັດຖະກອນທີ່ໄດ້ຮັບການຍ້ອງຍໍປະຈໍາປີ ພ້ອມກັນບຸກບືນສູ້ຊົນສືບຕໍ່ໃນໜ້າທີ່ວຽກງານໃຫ້ມີບາດກ້າວໃໝ່ ແລະ ຜົນສໍາເລັດອັນໃໝ່ໆ.

(ວິນັດ ສີສຸລາດ)