ກອງປະຊຸມສະໄໝສາມັນ ເທື່ອທີ 6 ຂອງສະພາປະຊາຊົນແຂວງຫລວງນ້ຳທາຊຸດທີ II ໄດ້ສໍາເລັດລົງດ້ວຍຜົນສຳເລັດຕາມລະດັບຄາດໝາຍໃນຕອນແລງຂອງວັນທີ 12 ມັງກອນ 2024 ຢູ່ທີສະໂມສອນຂອງແຂວງພາຍໃຕ້ການເປັນປະທ່ານ ຂອງທ່ານ ຄຳຟອງ ອິນມານີ ຮອງເລຂາພັກແຂວງ ປະທານສະພາປະຊາຊົນແຂວງ, ໃຫ້ກຽດເຂົ້າຮ່ວມມີທ່ານ ອ່ອນຈັນ ຄຳພາວົງ  ຮອງເຈົ້າແຂວງໆ ຫຼວງນໍ້າທາ, ທ່ານ ປະລິຍາເອກ ພົນຈັດຕະວາ ວັນທອນ ສຸລິສັກ ຮອງຫົວໜ້າກົມໃຫຍ່ສັນຕິບານກະຊວງປ້ອງກັນຄວາມສະຫງົບ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ3, ມີອະດີດການນໍາຂອງແຂວງ, ບັນດາທ່ານອະດີດສະມາຊິກສະພາແຫ່ງຊາດປະຈໍາເຂດເລືອກຕັ້ງ, ອະດີດສະມາຊິກສະພາປະຊາຊົນແຂວງ, ອົງການແນວລາວສ້າງຊາດ, ສະຫະພັນນັັກຮົບເກົ່າ, ບັນດາທ່ານສະມາຊິກສະພາແຫ່ງຊາດ-ສະມາຊິກສະພາປະຊາຊົນແຂວງ, ແຂກຖືກເຊີນເຂົ້າຮ່ວມທັງໝົດ 150 ກວ່າທ່ານ.

ກອງປະຊຸມສະໄໝສາມັນ ເທື່ອທີ 6 ຂອງສະພາປະຊາຊົນແຂວງຊຸດທີ II ສະມາຊິກສະພາປະຊາຊົນແຂວງ, ຜູ້ແທນກອງປະຊຸມໄດ້ຍົກສູງສຸມໃສ່ປະກອບຄໍາຄິດເຫັນ, ຄົ້ນຄວ້າ,ພິຈາລະນາ, ຮັບຮອງເອົາບັນຫາສໍາຄັນຕ່າງໆຂອງແຂວງ ແລະ ໄດ້ອອກມະຕິຮັບຮອງເອົາ 6 ສະບັບຄື: ຮ່າງມະຕິກອງປະຊຸມວ່າດ້ວຍ ການຮັບຮອງເອົາບົດລາຍງານຂອງອົງການປົກຄອງແຂວງ ກ່ຽວກັບການຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມ ປະຈໍາປີ 2023 ແລະ ທິດທາງແຜນການປະຈໍາປີ 2024 ຂອງແຂວງ; ຮ່າງມະຕິກອງປະຊຸມວ່າດ້ວຍ ການຮັບຮອງເອົາບົດລາຍງານຂອງອົງການປົກຄອງແຂວງ ກ່ຽວກັບການຈັດຕັ້ງປະຕິບັດແຜນງົບປະ ມານແຫ່ງລັດ ປະຈໍາປີ 2023 ແລະ ທິດທາງແຜນການປະຈໍາປີ 2024 ຂອງແຂວງ; ຮ່າງມະຕິກອງປະຊຸມວ່າດ້ວຍ ການຮັບຮອງເອົາບົດລາຍງານ ຂອງອົງການກວດກາລັດແຂວງ ແລະ ອົງການກວດສອບແຫ່ງລັດປະຈໍາພາກເໜືອ; ຮ່າງມະຕິກອງປະຊຸມວ່າດ້ວຍ ການຮັບຮອງເອົາບົດລາຍງານ ຂອງອົງການໄອຍະການປະຊາຊົນແຂວງ ແລະ ສານປະຊາຊົນແຂວງ; ຮ່າງມະຕິກອງປະຊຸມວ່າດ້ວຍ ການຮັບຮອງເອົາ ບົດສະຫຼຸບການ ຈັດຕັ້ງປະຕິບັດແຜນການເຄື່ອນໄຫວວຽກງານ ປະຈໍາປີ 2023 ແລະ ແຜນການ ປະຈໍາປີ 2024 ຂອງສະພາປະຊາ ຊົນແຂວງ; ຮ່າງມະຕິກອງປະຊຸມວ່າດ້ວຍ ການຮັບຮອງເອົາ ຂໍ້ຕົກລົງຂອງເຈົ້າ ແຂວງວ່າດ້ວຍ ການຄຸ້ມຄອງການຈັດງານ ແລະ ງານບຸນປະເພນີຕ່າງໆຢູ່ບັນດາເມືອງ ແລະ ໄດ້ຮັບຟັງບົດລາຍງານການຈັດຕັ້ງປະຕິບັດ ສອງວາລະແຫ່ງຊາດ ຂອງແຂວງຫຼວງນໍ້າທາ.

ໂດຍ ນາງ ວັນນີ ແຝງບົວວັນ