ກອງປະຊຸມປະເມີນການຈັດຕັ້ງປະຕິບັດກົດໝາຍ 3 ສະບັບ ໃນຂົງເຂດປ້ອງກັນຊາດ-ປ້ອງກັນຄວາມສະຫງົບ ໄດ້ຈັດຂື້ນໃນວັນທີ 27 ກັນຍາ 2023 ທີ່ຫ້ອງປະຊຸມສະພາປະຊາຊົນແຂວງ ອັດຕະປື. ໂດຍການເປັນປະທານຂອງທ່ານ ນ. ມີນາພອນ ໄຊສົມພູ ປະທານຄະນະສະມາຊິກ ສະພາແຫ່ງຊາດ ປະຈໍາເຂດເລືອກຕັ້ງທີ 17, ປະທານສະພາປະຊາຊົນແຂວງ, ມີບັນດາທ່ານຄະນະປະຈໍາສະພາປະຊາຊົນແຂວງ, ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 17, ສະມາຊິກສະພາປະຊາຊົນແຂວງ, ກອງບັນຊາການປ້ອງກັນຊາດ-ປ້ອງກັນຄວາມສະຫງົບ ແລະ​ ແຂກທີ່ຖືກເຊີນເຂົ້າຮ່ວມ.

ໂດຍປະຕິບັດຕາມແຈ້ງການຂອງຄະນະເລຂາທິການສະພາແຫ່ງຊາດ ແລະ ຄໍາແນະນໍາຂອງກໍາມາທິການປ້ອງກັນຊາດ-ປ້ອງກັນຄວາມສະຫງົບສະພາ​ແຫ່ງຊາດ​ເພື່ອຄວາມເປັນເອກະພາບໃນການປະເມີນຜົນການຈັດຕັ້ງປະຕິບັດ​ກົດໝາຍ​ 3​ ສະບັບ, ກອງປະຊຸມຈະໄດ້ຕິລາຄາຄືນ ແລະ ປະເມີນການຈັດຕັ້ງປະຕິບັດກົດໝາຍວ່າດ້ວຍການປ້ອງກັນຊາດ, ກົດໝາຍວ່າດ້ວຍນາຍທະຫານກອງທັບປະຊາຊົນລາວ ແລະ ກົດໝາຍວ່າດ້ວຍກໍາລັງປ້ອງກັນຄວາມສະຫງົບປະຊາຊົນ, ເພື່ອໃຫ້ເຫັນໄດ້ດ້ານດີ, ດ້ານອ່ອນ, ຂໍ້ຄົງຄ້ງ, ສາເຫດ,​ ຫຼັກການ,​ ຂັ້ນຕອນ ແລະ ວີທີທາງແກ້ໄຂ. ພ້ອມກັນນີ້ ຜູ້ເຂົ້າຮ່ວມຈະໄດ້ພ້ອມກັນຄົ້ນຄວ້າ, ວິເຄາະ,ວິໄຈບັນຫາ ແລະ ແລກປ່ຽນຄວາມຄິດຄວາມເຫັນ ຕໍ່ເນື້ອໃນຂອງກົດໝາຍທີ່ນໍາມາປະເມີນ ຢ່າງເລິກເຊີ່ງ ດ້ວຍເຫດຜົນ ແລະ ບົນພື້ນຖານຄວາມເປັນຈິງ ເພື່ອເຮັດໃຫ້ບັນດາເນື້ອໃນຂອງກົດໝາຍມີຄວາມຫຼາກຫຼາຍ, ລະອຽດຊັດເຈນ ແລະ ສ່ອງຄອງກັບສະພາບຄວາມເປັນຈິງ ແລະ ສາມາດເປັນຂໍ້ມູນພື້ນຖານສໍາຄັນລາຍງານຕໍ່ສະພາແຫ່ງຊາດ​ ປະກອບເຂົ້າໃນແຜນການສ້າງ ແລະ​ ປັບປຸງ​ກົດໝາຍ​ ຢ່າງມີປະສິດທິຜົນ.

(ພາບ-ຂ່າວ:ສພຂ​ ອັດຕະ