ຕອນເຊົ້າຂອງອັງຄານວັນທີ 16 ພຶດສະພາ 2023 ນີ້, ຢູ່ທີ່ສະໂມສອນໂຮງຮຽນ ມສ ນາຄົກ ໄດ້ຈັດພິທີ ມອບ-ຮັບ ການກໍ່ສ້າງຮົ້ວໂຮງຮຽນ ມສ ນາຄົກ, ເມືອງງາ, ແຂວງອຸດົມໄຊ ເປັນກຽດເຂົ້າຮ່ວມໂດຍມີທ່ານ ຄຳດີ ວົງລ້ອມ ຮອງເລຂາພັກແຂວງ, ປະທານສະພາປະຊາຊົນແຂວງ, ທ່ານ ບຸນທີ ໄຊຍະວົງ ຮອງເລຂາພັກເມືອງ, ປະທານອົງການກວດກາເມືອງງາ, ມີສະມາຊິກສະພາປະຊາຊົນແຂວງ, ອົງການປົກຄອງບ້ານ, ຄູ-ອາຈານ ແລະ ນ້ອງນັກຮຽນເຂົ້າຮ່ວມຢ່າງພ້ອມພຽງ.

ໂຄງການກໍ່ສ້າງຮົ້ວໂຮງຮຽນ ມສ ນາຄົກ ແມ່ນທາງສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 04 ແຂວງອຸດົມໄຊ, ໄດ້ລະດົມທຶນຊ່ວຍເຫຼືອຈາກ ຄອບຄົວ ທ່ານ ເນັ່ງມົວ ມົວໄຊຈູ ນັກທຸລະກິດ ຢູ່ນະຄອນຫຼວງວຽງ ຈັນ ລວມມູູນຄ່າ 27.854.000 ກີບ, ໂດຍແມ່ນ ທ່ານ ຄໍາພັດ ຕະວິລົມ ນັກທຸລະກິດບ້ານນາຄົກ ເປັນຜູ້ຮັບເໝົາກໍ່່ສ້າງ ໜ້າວຽກປະກອບມີ: ການລົງເສົາເບຕົງເສີມເຫຼັ້ກ, ວາງຕາໜ່າງ, ສາຍໜາມຫົວເສົາ, ເທຄານຕີນເສົາທັບຕາໜ່າງ, ໃສ່ປະຕູເລື່ອນກວ້າງ 4 ແມັດ ແລະ ເລີ່ມລົງມືການກໍ່ສ້າງມາແຕ່ວັນທີ 10 ມັງກອນ 2023 ຫາ 20 ມີນາ 2023 ສຳເລັດ ແລະ ຈັດພິທີ ມອບ-ຮັບ ຢ່າງເປັນທາງ ການ.

  ພ້ອມນັ້ນ, ຄະນະທິມງານໄດ້ລົງກວດກາຄວາມສໍາ ເລັດຕົວຈິງ ຂອງການກໍ່ສ້າງຮົ້ວດັ່ງກ່າວຕື່ມອີກ.