ຕອນເຊົ້າວັນທີ 29 ສິງຫາ 2022 ທີ່ສະໂມສອນເມືອງບຸນໃຕ້, ທ່ານ ທອງສີ ເສົາສຸລິພົມ ປະທານ ຄະນະປະຈໍາສະພາປະຊາຊົນແຂວງ, ປະທານຄະນະ ສສຊ ປະຈໍາເຂດເລືອກຕັ້ງ 2 ພ້ອມດ້ວຍຄະນະທິມງານ ໄດ້ຈັດຕັ້ງຜັນຂະຫຍາຍ ແລະ ໂຄສະນາເຜີຍແຜ່ເນື້ອໃນຜົນສໍາເລັດ ກອງປະຊຸມສະໄໝສາມັນ ເທື່ອທີ 3 ຂອງສະພາແຫາງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການອົງການລັດທຽບເທົ່າຫ້ອງການຂັ້ນເມືອງ, ກອງບັນຊາການທະຫານເມືອງ, ກອງບັນຊາການປ້ອງກັນຄວາມສະຫງົບເມືອງ, ອົງການຈັດຕັ້ງມະຫາຊົນຂັ້ນເມືອງ, ອົງການແນວລາວສ້າງຊາດເມືອງ, ສະຫະພັນນັກຮົບເກົ່າ, ໜ່ວຍບໍລິການຂອງລັດວິສະຫະກິດປະຈໍາເມືອງ, ພະນັກງານ-ລັດຖະກອນ, ພະນັກງານບຳນານ ແລະ ອົງການຈັດຕັ້ງບ້ານ 5 ບ້ານອ້ອມຂ້າງເທດສະບານເມືອງເຂົ້າຮ່ວມທັງໝົດ ຈໍານວນ 153 ທ່ານ, ຍິງ 62 ທ່ານ.
ການລົງຈັດຕັ້ງຜັນຂະຫຍາຍ ແລະ ໂຄສະນາເຜີຍແຜ່ເນື້ອໃນຜົນສໍາເລັດ ກອງປະຊຸມຄັ້ງນີ້ ແນໃສ່ເຮັດໃຫ້ບັນຫາສໍາຄັນພື້ນຖານຂອງຊາດ ແລະ ຂອງແຂວງ ທີ່ສະພາແຫ່ງຊາດ ແລະ ສະພາປະຊາຊົນແຂວງ ຮັບຮອງເອົາ ໄດ້ຮັບການຈັດຕັ້ງຜັນຂະຫຍາຍເຂົ້າໃນວຽກງານຕົວຈິງຂອງແຕ່ລະພາກສ່ວນ.
ເນື້ອໃນທີ່ມາຈັດຕັ້ງເຜີຍແຜ່ປະກອບມີ u ວຽກງານບຸກຄະລາກອນ ປະກອບມີ: 1) ມະຕິ ວ່າດ້ວຍການເລືອກຕັ້ງປະທານອົງການກວດສອບແຫ່ງລັດ; 2) ມະຕິ ວ່າດ້ວຍການຮັບຮອງເອົາການແຕ່ງຕັ້ງຮອງນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ; 3) ມະຕິວ່າດ້ວຍການຮັບຮອງເອົາການຍົກຍ້າຍ ແລະ ແຕ່ງຕັ້ງສະມາຊິກລັດຖະບານ; v ວຽກງານຂົງເຂດລັດຖະບານ ປະກອບມີ: 1) ມະຕິ ວ່າດ້ວຍການຮັບຮອງເອົາບົດລາຍງານຂອງລັດຖະບານກ່ຽວກັບການປະເມີນການຈັດຕັ້ງປະຕິບັດກົດໝາຍ 4 ສະບັບ; 2) ມະຕິ ວ່າດ້ວຍການຮັບຮອງເອົາບົດລາຍງານຂອງລັດຖະບານກ່ຽວກັບຄວາມຄືບໜ້າການຈັດຕັ້ງປະຕິບັດແຜນການປະຕິຮູບລັດວິສາຫະກິດໄລຍະຜ່ານມາ ແລະ ທິດທາງແຜນການຮອດທ້າຍປີ 2022; 3) ມະຕິ ວ່າດ້ວຍການຮັບຮອງເອົາ ບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນການທ່ອງທ່ຽວສີຂຽວ ແລະ ການເປີດປະເທດ ຕິດພັນກັບການປ້ອງກັນ ແລະ ການຮັບມືການແຜ່ລະບາດຂອງພະຍາດໂຄວິດ-19; 4) ມະຕິ ວ່າດ້ວຍ ການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດບັນດາຄາດໝາຍຂະແໜງສຶກສາທິການ ແລະ ກິລາ, ການປັບປຸງຄຸນນະພາບລະບົບການຮຽນ-ການສອນທຸກຊັ້ນທຸກສາຍໃນໄລຍະໃໝ່ ແລະ ການຄຸ້ມຄອງວຽກງານກິລາ -ກາຍຍະກໍາ; 5) ມະຕິ ວ່າດ້ວຍການຮັບຮອງເອົາບົດລາຍງານການເຄື່ອນໄຫວວຽກງານ ໃນໄລຍະແຕ່ກອງປະຊຸມສາມັນ ເທື່ອທີ 2 ຫາກອງປະຊຸມສະໄໝສາມັນເທື່ອທີ 3 ແລະ ແຜນການຮອດກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ IX; 6) ມະຕິ ວ່າດ້ວຍການຮັບຮອງເອົາບົດລາຍງານຜົນການຕິດຕາມກວດກາຄວາມຄືບໜ້າການຈັດຕັ້ງປະຕິບັດວາລະແຫ່ງຊາດກ່ຽວກັບການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດ ໃນໄລຍະຜ່ານມາ ແລະ ທິດທາງແຜນການຕິດຕາມກວດກາໃນ 6 ເດືອນທ້າຍປີ 2022 ແລະ ປະຈໍາປີ 2023 ຂອງສະພາແຫ່ງຊາດ; w ວຽກງານສ້າງ ແລະ ປັບປຸງກົດໝາຍ ປະກອບມີ 9 ປະກອບມີ: 1) ມະຕິ ການຮັບຮອງເອົາກົດໝາຍວ່າດ້ວຍການຄຸ້ມຄອງອາວຸດ ແລະ ວັດຖຸລະເບີດ (ສ້າງໃໝ່); 2) ມະຕິ ການຮັບຮອງເອົາກົດໝາຍວ່າດ້ວຍວິຈິດສີນ (ສ້າງໃໝ່); 3) ມະຕິ ການຮັບຮອງເອົາກົດໝາຍວ່າດ້ວຍຄວາມປອດໄພຂອງເຂື່ອນ (ສ້າງໃໝ່); 4) ມະຕິ ການຮັບຮອງເອົາກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ (ປັບປຸງ); 4) ມະຕິ ການຮັບຮອງເອົາກົດໝາຍວ່າດ້ວຍສົ່ງເສີມຈຸນລະວິສາຫາກິດ, ວິສາຫະກິດຂະໜາດນ້ອຍ ແລະ ກາງ (ປັບປຸງ); 6) ມະຕິ ການຮັບຮອງເອົາກົດໝາຍວ່າດ້ວຍການແກ້ໄຂຄໍາຮ້ອງທຸກ (ປັບປຸງ); 7) ມະຕິ ການຮັບຮອງເອົາກົດໝາຍວ່າດ້ວຍຊັບສິນຂອງລັດ (ປັບປຸງ); 8) ມະຕິ ການຮັບຮອງເອົາກົດໝາຍວ່າດ້ວຍການປັບປຸງບາງມາດຕາ ຂອງກົດໝາຍວ່າດ້ວຍນໍ້າ ແລະ ຊັບພະຍາກອນນໍ້າ (ປັບປຸງ); 9) ມະຕິ ການຮັບຮອງເອົາກົດໝາຍວ່າດ້ວຍການປັບປຸງບາງມາດຕາ ຂອງກົດໝາຍວ່າດ້ວຍສານປະຊາຊົນ (ປັບປຸງ).
ຕອນບ່າຍຂອງວັນດຽວກັນ ທ່ານ ທອງສີ ເສົາສຸລິພົມ ພ້ອມດ້ວຍຄະນະ ລົງເຄື່ອນໄຫວທີ່ບ້ານ ອາຢາ ມີ ອໍານາດການປົກຄອງບ້ານພ້ອມດ້ວຍຜູ້ມີສິດເລືອກຕັ້ງເຂົ້າຮ່ວມຮັບຟັງ ຈໍານວນ 60 ຄົນ, ຍິງ 20 ຄົນ ທີ່ໂຮງຮຽນປະຖົມບ້ານອາຢາ.
ການເຄື່ອນໄຫວຂອງຄະນະທີມງານ ຍັງຈະສືບຕໍ່ໄຫວທີ່ ບ້ານສະໂນໃໝ່ ເມືອງບຸນໃຕ້ ແລະ ບ້ານ ຢາງເໜືອ, ບ້ານຫາດງາໃຕ້+ຫາດງາເໜືອ, ບ້ານ ກອງສະວີ, ຈຸດເທດສະບານ ເມືອງສໍາພັນ, ແຂວງຜົ້ງສາລີ ຮອດວັນທີ 2 ກັນຍາ 2022 ຈຶ່ງຈະສໍາເລັດ.
ພາບ-ຂ່າວ: ນາງ ສຸກສົມພອນ ແກ້ວແສງພະຈັນ