ຕອນເຊົ້າຂອງວັນທີ 16 ມັງກອນ 2023 ນີ້, ສະພາປະຊາຊົນແຂວງ(ສພຂ) ສາລະວັນ ໄດ້ຮັບຜ້າຫົ່ມກັນໜາວ ຈຳນວນ 50 ຜືນ ມູນຄ່າ 4 ລ້ານກີບ ໂດຍການມອບຂອງທ່ານ ນາງ ຄົງສະຫວັນ ວົງຈອມສີ ເຈົ້າຂອງຮ້ານຂາຍເຄື່ອງໃຊ້ໃນຫ້ອງການ ແລະ ໃຫ້ກຽດຮັບໂດຍ ທ່ານ ນາງ ສູນໄຖ ໄຊຍະແສງ ກຳມະການພັກແຂວງ ຮອງປະທານ ສພຂ ສາລະວັນ, ມີຮອງເລຂາທິການ ສະພາປະຊາຊົນແຂວງ ແລະ ຫົວໜ້າ-ຮອງຫົວໜ້າຂະແໜງ ພາຍໃນ ສພຂ ເຂົ້າຮ່ວມ;

ໂອກາດດຽວກັນທ່ານ ນາງ ສູນໄຖ ໄຊຍະແສງ ຕາງໜ້າໃຫ້ແກ່ຄະນະປະຈໍາ  ສພຂ ສາລະວັນ ໄດ້ມອບໃບຂອບໃຈ ແລະ ກ່າວສະແດງຄວາມຂອບໃຈຢ່າງສຸດຊຶງ ຕໍ່ທ່ານ ນາງ ຄົງສະຫວັນ ວົງຈອມສີ ທີ່ມີນ້ຳໃຈເສຍສະຫຼະວັດຖຸສ່ວນຕົວ ເພື່ອແບ່ງປັນບັນເທົາທຸກໃຫ້ປະຊາຊົນ ທີ່ປະສົບກັບໄພໜາວຄັ້ງນີ້ ແລະ ທ່ານຍັງໄດ້ໃຫ້ຄຳໝັ້ນສັນຍາວ່າ ເຄື່ອງຈຳນວນດັ່ງກ່າວນີ້ ສພຂ ສາລະວັນ ຈະນຳໄປມອບຕໍ່ ໃຫ້ພໍ່ແມ່ປະຊາຊົນຜູ້ທຸກຍາກຂາດເຂີນຢູ່ເຂດຫ່າງໄກສອກຫຼີກ ໃຫ້ສຳເລັດໄວໆນີ້;

ພາບ-ຂ່າວ: ດີລຳພົນ ພົມມະຈັນ