ໃນຕອນແລງຂອງວັນທີ 17 ມີນາ 2022 ນີ້ ເວລາ 14:00 ນາທີ ຢູ່ທີ່ຫ້ອງປະຊຸມຂອງສະພາປະຊາຊົນແຂວງບໍ່ແກ້ວ ໄດ້ໄຂກອງປະຊຸມເຜີຍແຜ່ຄໍາສັ່ງແນະນໍາວ່າດ້ວຍການປັບປຸງກົງຈັກການຈັດຕັ້ງ ແລະນິຕິກຳທີ່ສໍາຄັນ ໂດຍການເປັນປະທານຂອງທ່ານ ບຸນພັດ ສີສົມບັດ ຄະນະປະຈໍາ, ກຳມະການໜ່ວຍພັກ,ເລຂາທິການສະພາປະຊາຊົນແຂວງ ມີສະມາພັກຊິກ ພະນັກງານ_ລັດຖະກອນ ຂອງສະພາປະຊາຊົນແຂວງເຂົ້າຮ່ວມທັງໝົດ 30 ທ່ານ, ຍິງ10 ທ່ານ.

ກອງປະຊຸມຄັ້ງນີ້ໄດ້ຮັບຟັງການຜ່ານເອກະສານຄໍາສັ່ງແນະນໍາວ່າດ້ວຍການປັບປຸງກົງຈັກການຈັດຕັ້ງຂອງບັນດາພະແນກການ-ອົງການອ້ອມຂ້າງອຂວງ ແລະບັນດາເມືອງພາຍໃນແຂວງບໍ່ແກ້ວ,ຄໍາສັ່ງວ່າດ້ວຍການເພີ່ມທະວີການນຳພາຂອງຄະນະພັກເພື່ອສ້າງການຫັນປ່ຽນຢ່າງແຂງແຮງ ແລະເລິກເຊິ່ງ ວຽກງານພະນັກງານໃນທົ່ວແຂວງບໍ່ແກ້ວ,ຄໍາແນະນຳວ່າດ້ວຍການຈັດຕັ້ງຜັນຂະຫຍາຍຄໍາສັ່ງຂອງຄະນະເລຂາທິການສູນກາງພັກສະບັບເລກທີ 190/ຄວາພ,ລົງວັນທີ 29 ກັນຍາ 2021 ວ່າດ້ວຍການປັບປຸງກົງຈັກການຈັດຕັ້ງຂອງບັນດາກະຊວງ-ອົງານ ແລະທ້ອງຖິ່ນ ແລະຄໍາສັ່ງວ່າດ້ວຍການປັບປຸງກົງຈັກການຈັດຕັ້ງຂອງບັນດາກະຊວງ-ອົງການ ແລະທ້ອງຖິ່ນ.

ພ້ອມດຽວກັນນັ້ນ ທ່ານເລຂາທິການແມ່ນໄດ້ຮຽກຮ້ອງໃຫ້ສະມາຊິກພັກ ພະນັກງານ-ລັດຖະກອນ ທຸກທ່ານກຳໄດ້ເນື້ອໃນ ແລະສາມາດນໍາເອົາເນື້ອໃນເອກະສານນີ້ໄປຜັນຂະຫຍາຍໃຫ້ເກີດດອກອອກຜົນ ແລະມີປະສິດທິພາບ.

ພາບແລະຂ່າວ

                         ນາງ ຂັນຖະໜອມ ແກ້ວມະນີ