(ສພຊ) ວັນທີ 9 ກໍລະກົດຜ່ານມາ, ທ່ານ ນາງ ສູນທອນ ໄຊຍະຈັກ ເລຂາທິການສູນກາງພັກ, ຮອງປະທານສະພາແຫ່ງຊາດ ພ້ອມດ້ວຍຄະນະ ໄດ້ເຄື່ອນໄຫວເຮັດວຽກຢູ່ແຂວງບໍລິຄຳໄຊ ເພື່ອຕິດຕາມ, ຊີ້ນຳການຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ; ໂດຍການຕ້ອນຮັບຂອງທ່ານ ກອງແກ້ວ ໄຊສົງຄາມ ເລຂາພັກແຂວງ, ເຈົ້າແຂວງໆບໍລິຄຳໄຊ ພ້ອມດ້ວຍພະນັກງານການນຳຂັ້ນແຂວງ, ສະພາປະຊາຊົນແຂວງ, ບັນດາພະ ແນກການ ແລະ ພະນັກງານຫລັກແຫລ່ງເຂົ້າຮ່ວມ.
ໃນກອງປະຊຸມ, ທ່ານເຈົ້າແຂວງໄດ້ລາຍງານກ່ຽວກັບການຈັດຕັ້ງເຊື່ອມຊຶມຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຊິ່ງມີເນື້ອໃນບາງຕອນວ່າ: ແຂວງບໍລິຄໍາໄຊ ໄດ້ຈັດຕັ້ງການເຜີຍແຜ່ເຊື່ອມຊື່ມ ມະຕິດັ່ງກ່າວໄດ້ສໍາເລັດຂັ້ນແຂວງ ແລະ ອ້ອມຂ້າງແຂວງ, ເມືອງ ແລະ ອ້ອມຂ້າງເມືອງ ແລະ ຂັ້ນບ້ານຈຳນວນໜຶ່ງ. ເຜີຍແຜ່ຜັນຂະຫຍາຍໄດ້ທັງໝົດ 46 ຄັ້ງ ມີຜູ້ເຂົ້າຮ່ວມທັງໝົດ 3.647 ຄົນ, ຍິງ 1.076 ຄົນ ລວມມີເອກະສານສຳຄັນ ຄື: ບົດລາຍງານການເມືອງ ຂອງຄະນະບໍລິຫານງານສູນກາງພັກ; ມະຕິກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ; ມະຕິກອງປະຊຸມໃຫ່ຍຄົບຄະນະບໍລິຫານງານສູນກາງພັກ ຄັ້ງທີ 2 ສະໄໝທີ XI; ມະຕິຂອງກົມການເມືອງສູນກາງພັກ ເລກທີ 206/ກມສພ, ລົງວັນທີ 7 ທັນວາ 2020 ວ່າດ້ວຍການຍົກສູງຄຸນນະພາບການເມືອງ-ແນວຄິດໃນໄລຍະໃໝ່; ມະຕິລັດຖະບານ ເລກທີ 021/ລບ, ລົງວັນທີ 26 ເມສາ 2021 ກ່ຽວກັບກອງປະຊຸມລັດຖະບານສະໄໝສາມັນ ປະຈໍາເດືອນເມສາ 2021. ນອກນັ້ນ, ຍັງໄດ້ຮັບຟັງແຜນພັດທະນາເສດຖະກິດ-ສັງຄົມ ແລະ ທິດທາງໃນຕໍ່ໜ້າ; ສະພາບການປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຂອງແຂວງ; ຜົນສຳເລັດກອງປະຊຸມຄັ້ງປະຖົມມະລືກ ຂອງ ສພຂ ຊຸດທີ II; ພິທີປະກາດການຈັດຕັ້ງຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງ.
ທ່ານ ນາງ ສູນທອນ ໄຊຍະຈັກ ໄດ້ມີຄຳເຫັນໂອ້ລົມ ເຊິ່ງທ່ານໄດ້ຕີລາຄາສູງ ຕໍໍ່ບັນດາຜົນສໍາເລັດ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງແຂວງ ໃນຕະຫລອດໄລຍະ 5 ປີ ຜ່ານມາ ບົນພື້ນຖານການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ມະຕິກອງປະຊຸມ ຄັ້ງທີ VI ຂອງອົງຄະນະພັກແຂວງບໍລິຄໍາໄຊ, ຜົນສໍາເລັດຂອງການດໍາເນີນກອງປະຊຸມຄັ້ງປະຖົມມະລືກຂອງສະພາປະຊາຊົນແຂວງ ແລະ ສໍາເລັດການເຜີຍແຜ່ຜົນສໍາເລັດກອງປະຊຸມຄັ້ງປະຖົມມະລືກຂອງສະພາແຫ່ງຊາດ ກໍຄືຂອງສະພາປະຊາຊົນແຂວງບໍລິຄໍາໄຊ ອັນໄດ້ເຮັດໃຫ້ທົົ່ວແຂວງ ມີຄວາມສະຫງົບປອດໄພໂດຍພື້ນຖານ, ສັງຄົມມີຄວາມເປັນລະບຽບຮຽບຮ້ອຍ, ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂຶ້ນເປັນລໍາດັບ, ຄອບຄົວທຸກຍາກມີອັດຕາຫລຸດລົງຢ່າງຈະແຈ້ງ, ການເສີມຂະຫຍາຍທ່າແຮງບົ່ມຊ້ອນຂອງແຂວງ ກໍໍ່ເລີ່ມມີໝາກຜົນຕົວຈິງ, ການພົວພັນຮ່ວມມືກັບປະເທດໃກ້ຄຽງໄດ້ຮັບການເປີດກວ້າງ. ທັງໝົດເຫລົົ່ານີ້ໄດ້ເປັນພື້ນຖານອັນໜັກແໜ້ນໃນການສືບຕໍໍ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ແລະ ມະຕິຂອງອົງຄະນະພັກແຂວງ ກໍໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງແຂວງ ໃນ 5 ປີຕໍໍ່ໜ້າ; ພ້ອມນັ້ນ, ທ່ານຍັງໄດ້ເນັ້ນໜັກຕໍ່ກອງປະຊຸມວ່າ: ໃຫ້ສືບຕໍໍ່ຈັດຕັ້ງເຊືີ່ອມຊຶມ, ກໍາແໜ້ນ ແລະ ຜັນຂະຫຍາຍບັນດາທິດນໍາ ມະຕິ ຄໍາສັ່ງຕ່າງໆ ຂອງພັກ, ລັດຖະບານ ກໍໍຄືຂອງແຂວງ ໃຫ້ເລິກເຊິ່ງ ທົົ່ວເຖິງ ແລະ ໜັກ ແໜ້ນ ສູ່ການຈັດຕັ້ງປະຕິບັດຕົວຈິງ ຢູ່ບັນດາຂະແໜງການ; ເອົາໃຈໃສ່ຈັດຕັ້ງຜັນຂະຫຍາຍເນື້ອໃນກອງປະຊຸມຄົບຄະນະສະໄໝວິສາມັນຂອງຄະນະບໍລິຫານງານສູນກາງພັກ ທີ່ຫາກໍໍສໍາເລັດລົງໃນທ້າຍເດືອນຜ່ານມາ, ໂດຍການນໍາພາ-ຊີ້ນໍາຂະແໜງການທີ່ກ່ຽວຂ້ອງ ຈັດຕັ້ງຜັນຂະຫຍາຍໃນແຕ່ລະຂົງເຂດວຽກງານໃຫ້ເປັນອັນລະອຽດຂອງແຕ່ລະຂະແໜງ ການທີ່ກ່ຽວຂ້ອງ, ຄະນະພັກ-ຄະນະນໍາ ຕ້ອງໄດ້ກ້າຕັດສິນໃຈແກ້ໄຂບັນຫາ ແລະ ຂອດຂັ້ນທີ່ອຸດຕັນ ໂດຍສະເພາະແມ່ນ ການຈັດເກັບລາຍຮັບ-ຄຸ້ມຄອງລາຍຈ່າຍ, ການຄຸ້ມຄອງ ແລະ ແກ້ໄຂບັນຫາໜີ້ສິນ, ການຄຸ້ມຄອງ ແລະ ນໍາໃຊ້ຊັບພະຍາກອນທໍາມະຊາດ ແລະ ສິ່ງແວດລ້ອມ ໃຫ້ເກີດຜົນປະໂຫຍດສູງສຸດຕໍໍ່ການພັດທະນາຂອງແຂວງ ກໍຄືຂອງປະເທດຊາດ, ການແກ້ໄຂບັນດາປາກົດການຫຍໍ້ທໍໍ້ທີ່ຍັງເປັນໄພຂົົ່ມຂູ່ຕໍໍ່ການພັດທະນາເສດຖະກິດ-ສັງຄົມ ຂອງພວກເຮົາ ແລະ ບັນຫາອືີ່ນໆ; ສືບຕໍໍ່ເອົາໃຈໃສ່ການນໍາພາ-ຊີ້ນໍາ ຮອບດ້ານຂອງອົງຄະນະພັກແຂວງ ຕໍໍ່ວຽກງານປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຂອງລັດຖະບານ ກໍຄືຂອງແຂວງ ໃຫ້ເຂັ້ມງວດ, ຮັບປະກັນສຸຂະພາບ ແລະ ຊີວິດຂອງປະຊາຊົນພາຍໃນແຂວງ.
ໃນຕອນບ່າຍຂອງວັນດຽວກັນ, ທ່ານຮອງປະທານສະພາແຫ່ງຊາດ ພ້ອມດ້ວຍຄະນະ ຍັງໄດ້ເດີນທາງໄປຢ້ຽມຢາມພື້ນຖານການຜະລິດກະສິກຳປູກຝັງ-ລ້ຽງ ສັດ ຂອງຟາມພູທອນ ບ້ານນາສົ້ມມໍ ຕື່ມອີກ.
ແຫຼ່ງຂ່າວທີ່ມາ: ສະພາແຫ່ງຊາດ