ໃນຕອນເຊົ້າຂອງວັນທີ 15 ສິງຫາ 2022 ທ່ານ ປອ ນາງ ວິພາວັນ ພົມວິຫານ ພ້ອມດ້ວຍທີມງານຈາກສະ ພາແຫ່ງຊາດ ແລະ ສະພາປະຊາຊົນແຂວງອຸດົມໄຊ ໄດ້ລົງເຄື່ອນໄຫວຢ້ຽມຢາມ ໂຮງຮຽນສາມັນກິນນອນຊົນເຜົ່າ ແຂວງອຸດົມໄຊ. ໃນການລົງເຄື່ອນໄຫວຄັ້ງນີ້ ທ່ານໄດ້ນຳເອົາວັດຖຸອຸປະກອນເຊັ່ນ: ຜ້າຫົ່ມ,​ ພ້າ, ບົວຫົດຜັກ ແລະ ເຄື່ອງໃຊ້ສວນຄົວຈຳນວນໜຶ່ງ, ລວມມູນຄ່າ 19,9 ລ້ານກີບ ແລະ ເງິນສົດອີກຈໍານວນ 10 ລ້ານກີບ ມອບແກ່ໂຮງຮຽນສາມັນກິນນອນຊົນເຜົ່າ ແຂວງອຸດົມໄຊ ເພື່ອຮັບໃຊ້ໃນວຽງານອອກແຮງງານສວນຄົວ ແລະ ຮັບໃຊ້ເຂົ້າໃນວຽກບໍລິຫານຕ່າງໆ.

ແລະ ຕອນບ່າຍ, ທ່ານໄດ້ໄປຢ້ຽມຊົມສູນວັດທະນະທຳເດັກ(ສ.ວ.ດ)​ ທີ່ພະແນກຖະແຫລງຂ່າວ,​ ວັດທະ ນະທຳ ແລະ ທ່ອງທ່ຽວ ໂດຍທ່ານໄດ້ໄປຢ້ຽມຊົມສະຖານທີ່ຝຶກຊ້ອມດົນຕີ,​ ຫ້ອງຮຽນພາສາຕ່າງປະເທດ, ຫ້ອງສະໝຸດ ແລະ ໄດ້ຊົມການສະແດງສິລະປະວັນນະຄະດີເຊັ່ນ: ບົດຟ້ອນ, ບົດເພງ, ການຫລິ້ນດົນຕີພື້ນບ້ານ ແລະ ກິລາກາຍະກໍາ ຈາກນ້ອງນ້ອຍ. ພ້ອມດຽວກັນນັ້ນ ທ່ານກໍໄດ້ນຳເອົາເຄື່ອງດົນຕີໄປມອບໃຫ້ ສ.ວ.ດ ເຊັ່ນ: ກີຕ້າ, ຊໍ, ຊິງ, ສາບ, ແຄນ, ລວມມູນຄ່າ 9,9 ລ້ານກີບ ແລະ ເງິນສົດອີກ 5 ລ້ານກີບ ມອບໃຫ້ສູນວັດທະນະທຳເດັກ.

      ພ້ອມນັ້ນ, ທ່ານຍັງໄດ້ໄປທານພາເຂົ້າເພນ,​ ຜ້າໄຕ,​ ທຽນພັນສາ ແລະ ວັດຖຸປັດໃຈຈຳນວນໜຶ່ງ ທີ່ວັດພະເຈົ້າສິງຄຳ, ເມືອງຫຼາ, ແຂວງອຸດົມໄຊ.ພາບ/ຂ່າວ: ແສງພອນ ອິນນະລົງ.