ເພື່ອເປັນການຈັດຕັ້ງປະຕິບັດ ແຜນການຕິດຕາມ ກວດກາການປະເມີນຜົນການຈັດຕັ້ງປະຕິບັດຂໍ້ຕົກລົງ ຂອງ ເຈົ້າແຂວງຄໍາມ່ວນ ຂົງເຂດເສດຖະກິດ ສະບັບເລກທີ 186/ຄປຈ.ສພຂ, ລົງວັນທີ 20 ມິຖຸນາ 2024 ຖືກຈັດຕັ້ງປະຕິບັດດ້ວຍຜົນສຳເລັດເປັນຢ່າງດີ.

ກອງປະຊຸມຕິດຕາມກວດກາ ການປະເມີນຜົນ ການຈັດຕັ້ງປະຕິບັດຂໍ້ຕົກລົງເຈົ້າແຂວງຄໍາມ່ວນ ຂົງເຂດເສດຖະກິດ ຈໍານວນ 1 ສະບັບ, ໄດ້ຈັດຂຶ້ນໃນວັນທີ  8 ກໍລະກົດ 2024 ທີ່ສຳນັກງານເມືອງໜອງບົກ ແຂວງຄໍາມ່ວນ ໂດຍການເປັນປະທານຂອງທ່ານ ບົວພັນ ແສງຈັນ ກຳມະການພັກແຂວງ ຮອງປະທານສະພາປະຊາຊົນແຂວງຄໍາມ່ວນ, ມີບັນທ່ານ ຄະນະປະຈໍາສະພາປະຊາຊົນຂັ້ນແຂວງ, ຮອງເຈົ້າເມືອງ, ຫົວໜ້າ/ຮອງຫົວໜ້າຫ້ອງການທີ່ກ່ຽວຂ້ອງ ແລະຕະຫຼອດຮອດແຂກຖືກເຊີນເຂົ້າຮ່ວມ. ໃນກອງປະຊຸມໄດ້ຮັບຟັງການລາຍງານ ຜົນການປະເມີນຂໍ້ຕົກລົງຂອງເຈົ້າແຂວງຄໍາມ່ວນ ສະບັບເລກທີ 333/ຈຂ.ຄມ,​ລົງວັນທີ 3 ມີນາ 2020, ພາຍຫຼັງຮັບຟັງການລາຍງານ ກອງປະຊຸມ ໄດ້ມີການປຶກສາຫາລື, ແລກປ່ຽນຄວາມຄິດຄວາມເຫັນ ກ່ຽວກັບບັນດາເນື້ອໃນດັ່ງກ່າວ ເພື່ອເຮັດໃຫ້ການຈັດຕັ້ງປະຕິບັດວຽກງານດັ່ງກ່າວ ມີຄວາມເປັນເອກະພາບ, ສາມາດຈັດຕັ້ງປະຕິບັດໄດ້ ຢ່າງມີປະສິດທິພາບ ແລະ ປະສິດທິຜົນສູງ.

ກອງປະຊຸມຄັ້ງນີ້ ໄດ້ຮັບການສະໜັບສະໜູນ ດ້ານງົບປະມານຈາກໂຄງການ ມູນນິທິເວສມິນສະເຕີ ເພື່ອປະຊາທິປະໄຕ (WFD).

ຂ່າວ: ເມືອງໜອງບົກ.