ວັນທີ 31 ມັງກອນ 2023 ນີ້ ທ່ານ ບາທາຣບີເລັກ ຢ້ອງຕອງເພເຣນເລ  ສະມາຊິກສະພາຄູຣານໃຫຍ່ ແຫ່ງມົງໂກລີ ປະທານມິດຕະພາບມົງໂກລີ-ລາວ ພ້ອມດ້ວຍຄະນະ ໄດ້ເດີນທາງຢ້ຽມຢາມແຂວງຫລວງນ້ຳທາ ໂດຍແມ່ນທ່ານ ພົນຕີ ປະລິນຍາເອກ ວົງສັກ ພັນທະວົງ ປະທານກຳມາທິການ ປກຊ-ປກສ ປະທານຄະນະມິດຕະພາບລັດຖະສະພາລາວ-ມົງໂກລີ ເປັນຜູ້ພາທາງ ອອກຕ້ອນຮັບຄະນະຜູ້ແທນຄັ້ງນີ້ ມີທ່ານ ຄຳຟອງ ອິນມານີ ຮອງເລຂາພັກແຂວງ ປະທານສະພາປະຊາຊົນແຂວງຫລວງນ້ຳທາ ພ້ອມດ້ວຍຄະນະ ຢູ່ທີ່ສະຖານີລົດໄຟລາວ-ຈີນ ບໍ່ເຕ່ນແດນງາມ ພ້ອມທັງ ເຂົ້າຢ້ຽມຢາມແລກປ່ຽນຄຳຄິດເຫັນຢູ່ເຂດເສດຖະກິດບໍ່ເຕ່ນແດນງາມ ແລະ ເຂົ້າທ່ຽວຊົມພາບຈຳລອງການພັດທະນາເຂດເສດຖະກິດບໍ່ເຕ່ນແດນງາມ, ຈາກນັ້ນ ໄດ້ເດີນທາງເຂົ້າພົບທ່ານເຈົ້າແຂວງໆ ຫລວງນ້ຳທາ ຢູ່ທີ່ຫ້ອງວ່າການແຂວງ ໂອກາດນີ້ ທ່ານ ຄຳໄຫລ ສີປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງໆ ຫລວງນ້ຳທາ ໄດ້ລາຍງານສະພາບ ແລະ ຈຸດພິເສດການພັດທະນາດ້ານເສດຖະກິດ-ສັງຄົມ ຕ່າງໆ ໂດຍຫຍໍ້ ຂອງແຂວງ ແລະ ຄະນະຜູ້ລັດຖະສະພາຜູ້ແທນທັງສອງຝ່າຍໄດ້ແລກປ່ຽນບົດຮຽນເຊິ່ງກັນ ແລະ ກັນ ນອກນັ້ນ ຄະນະຜູ້ແທນມົງໂກລີ ຍັງມີຄວາ່ມສົນໃຈໃນການຮ່ວມມື, ການລົງທຶນດ້ານເສດຖະກິດການຄ້າຕ່າງໆ, ການໃຫ້ການຊ່ວຍເຫລືອທາງການສຶກສາ, ສາທາລະນະສຸກ, ການທ່ອງທ່ຽວ ແລະ ອື່ນໆ  ທັງນີ້ ກໍ່ເພື່ອເສີມຂະຫຍາຍການຮ່ວມມືສ່ອງຝ່າຍ ລະຫວ່າງ ລັດຖະສາພາແຫ່ງ ສປປ ລາວ ກັບ ລັດຖະສະພາຄູຣານໃຫຍ່ ແຫ່ງມົງໂກລີ ເວົ້າລວມສະເພາະ ສະພາປະຊາຊົນແຂວງຫລວງນ້ຳທາ ໃຫ້ເກີດປະໂຫຍດສູງສຸດ ແລະ ຮັດແໜ້ນຄວາມສາມັກຄີໃຫ້ຍືນຍົງຕະຫລອດໄປ.