ໃນຕອນເຊົ້າຂອງວັນທີ 13 ສິງຫາ 2024 ຄະນະຜູ້ແທນສະພາປະຊາຊົນແຂວງບໍລິຄໍາໄຊ ສປປລາວ ນໍາໂດຍ ສະຫາຍ ປອ ສຸວັນນີ ໄຊຊະນະ ຮອງເລຂາພັກແຂວງ ປະທານສະພາປະຊາຊົນແຂວງ ເຂົ້າຢ້ຽມຂໍ່ານັບ ສະຫາຍເລຂາພັກແຂວງເຫງະອານ ສສ.ຫວຽດນາມ ເນື່ອງໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກ ຢູ່ ແຂວງເຫງະອານ, ສສ.ຫວຽດນາມ.

ການເຄື່ອນໄຫວ ຢ້ຽມຢາມ ແລະ ແລກປ່ຽນບົດຮຽນ ໃນຄັ້ງນີ້ ທັງສອງຝ່າຍ ໄດ້ຕີລາຄາສູງຕໍ່ສາຍພົວພັນມິດຕະພາບ ລະຫວ່າງ ສປປ ລາວ ແລະ ສສ ຫວຽດນາມ ເວົ້າລວມ ເວົ້າສະເພາະແຂວງບໍລິຄໍາໄຊ ແລະ ແຂວງເຫງະອານ ທັງເປັນການປະກອບສ່ວນສຳຄັນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງສະພາປະຊາຊົນແຂວງ ກໍຄື ຄະນະເລຂາທິການສະພາປະຊາຊົນແຂວງ ແລະ ຫ້ອງວ່າການຄະນະສະມາຊິກແຫ່ງຊາດ ແລະ ສະພາປະຊາຊົນຂັ້ນແຂວງ ໃຫ້ມີການພັດທະນາຍິ່ງໆຂຶ້ນ.

ຂ່າວ ແລະ ພາບ: ໂສລະຢ໋າ