ໃນຕອນບ່າຍຂອງວັນທີ 21 ເມສາ 2023 ຄະນະຜູ້ແທນສະພາປະຊາຊົນ ນະຄອນຫຼວງຮ່າໂນ້ຍ ນຳໂດຍ ສະຫາຍ ນ. ຟຸງ ທິ ຫົງ ຮ່າ ກຳມະການປະຈຳພັກ, ຮອງປະທານສະພາປະຊາຊົນ ນະຄອນຫຼວງຮ່າໂນ້ຍ ຜູ້ປະຈຳການ ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບ ສະຫາຍ ອານຸພາບ ຕຸນາລົມ, ຄະນະເລຂາທິການສູນກາງພັກ, ເລຂາຄະນະພັກ, ປະທານ ສະພາປະຊາຊົນ ນວ ຢູ່ສຳນັກງານປົກຄອງ ນະຄອນຫຼວງວຽງຈັນ ເນື່ອງໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກ ຢູ່ນະຄອນຫຼວງວຽງຈັນ ເພື່ອເສີມຂະຫຍາຍຕໍ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັນແບບພິເສດ ແລະ ການຮ່ວມມືຮອບດ້ານ ລະຫວ່າງ 2 ພັກ, 2 ລັດຖະບານ ແລະ ປະຊາຊົນທັງຊາດ ລາວ-ຫວຽດນາມ ເວົ້າລວມ, ເວົ້າສະເພາະແມ່ນສອງສະພາປະຊາຊົນ ນັບທັງປະຊາຊົນຊາວນະຄອນຫຼວງວຽງຈັນ ແລະ ປະຊາຊົນນະຄອນຫຼວງຮ່າໂນ້ຍ ໃຫ້ເຂົ້າສູ່ລວງເລິກ, ເຊິ່ງມີບັນດາທ່ານຄະນະປະຈຳ ສະພາປະຊາຊົນ ນວ, ບັນດາທ່ານຫົວໜ້າພະແນກການ ພ້ອມດ້ວຍພະນັກງານຂອງສະພາປະຊາຊົນ ນວ ເຂົ້າຮ່ວມຕ້ອນຮັບໃນການມາຢ້ຽມຢາມຄັ້ງນີ້.