ໃນວັນທີ 25 ຕຸລາ 2023 ນີ້, ຢູ່ທີ່ຫ້ອງປະຊຸມສະພາປະຊາຊົນ ແຂວງໄຊຍະບູລີ ໄດ້ເປີດກອງປະຊຸມຮ່ວມກັບ ບັນດາພະແນກການ, ອົງການ ຂົງເຂດເສດຖະກິດ, ແຜນການ ແລະ ການເງິນແຂວງ ໃຫ້ກຽດເປັນປະທານໂດຍ ທ່ານ ເພັງນິລັນ ຄຳພັນເພັງ ຮອງເລຂາພັກແຂວງ ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 7 ແຂວງໄຊຍະບູລີ, ໃຫ້ກຽດເຂົ້າຮ່ວມມີບັນດາ ຮອງປະທານສະພາປະຊາຊົນແຂວງ, ປະທານ-ຮອງປະທານຄະນະກໍາມະການ, ຫົວໜ້າ-ຮອງຫົວໜ້າພະແນກການ, ອົງການ ຂົງເຂດເສດຖະກິດ, ແຜນການ ແລະ ການເງິນ. ພ້ອມຫົວໜ້າ-ຮອງຫົວໜ້າຂະແໜງການ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ຮັບຟັງການລາຍງານສະພາບພົ້ນເດັ່ນ ໃນການຈັດຕັ້ງປະຕິບັດວຽກງານ 9 ເດືອນ ແລະ ທິດທາງແຜນການ 3 ເດືອນທ້າຍປີ 2023. ຜ່ານມາ ເຫັນວ່າມີຜົນສຳເລັດເປັນຢ່າງດີ, ເສດຖະກິດໂດຍລວມມີການຂະຫຍາຍຕົວຢ່າງຕໍ່ເນື່ອງ, ສັງຄົມມີຄວາມສະຫງົບໂດຍພື້ນຖານ ການຜະລິດຂອງປະ ຊາຊົນໄດ້ຫັນໄປສູ່ການຜະລິດເປັນສີນຄ້າຫຼາຍຂື້ນ, ພື້ນຖານໂຄງລ່າງໄດ້ຮັບການພັດທະນາ ກຳລັງການຜະລິດໄດ້ມີການຂະຫຍາຍຕົວ ຫັນໄປສູ່ການນຳໃຊ້ເຕັກໂນໂລຊີທີ່ທັນສະໄໝໃນຂະແໜງອຸດສາ ຫະກຳ ແລະ ການບໍລິການ, ການຫັນລົງກໍ່ສ້າງການເມືອງພັດທະນາຊົນນະບົດ ແລະ ລົບລ້າງຄວາມທຸກຍາກໄດ້ຮັບການຈັດຕັ້ງປະຕິບັດຢ່າງຕໍ່ເນື່ອງ ເປົ້າໝາຍການພັດທະນາເເບບຢືນຍົງເຫັນວ່າໄດ້ບັນລຸເປັນສ່ວນຫຼາຍຊີວິດການເປັນຢູ່ຂອງປະຊາຊົນດີຂື້ນເທຶ່ອລະກ້າວ ຫຼັງຈາກນັ້ນ, ບັນດາຜູ້ເຂົ້າຮ່ວມກອງປະ ຊຸມ ກໍໄດ້ພ້ອມກັນປະກອບຄຳຄິດຄຳເຫັນເພຶ່ອຕິລາຄາການຈັດຕັ້ງປະຕິບັດວຽກງານໃນໄລຍະ 9 ເດືອນໃນໄລຍະຜ່ານມາໂດຍສະເພາະແມ່ນຂໍ້ສະດວກ ແລະ ຂໍ້ຫຍຸ້ງຍາກຄືແນວໃດ ແລະ ບາງດ້ານທີ່ຍັງຄົງຄ້າງ ແລະ ຊອກວິທີແກ້ໄຂໃນຕໍ່ໜ້າເຮັດໃຫ້ການຈັດຕັ້ງປະຕິບັດມະຕິກອງປະຊຸມຂອງສະພາແຫ່ງຊາດ ແລະ ສະພາປະຊາຊົນແຂວງ ໄດ້ຮັບການຈັດຕັ້ງປະຕິບັດໃຫ້ມີຜົນສຳເລັດຕາມລະດັບຄາດໝາຍທິ່ໄດ້ວາງໄວ້.

                                                                                                                                             ໂດຍ: ອິນທີ ຂຽວສີຟ້າ