ໃນຕອນເຊົ້າ ວັນທີ 18 ພະຈິກ 2022 ທ່ານ ສຸວັນຟູ ລາວລີ ຮອງປະທານຄະນະກໍາມະການເສດຖະກິດ ແຜນການ ແລະ ການເງິນ ສະພາປະຊາຊົນແຂວງ ພ້ອມດ້ວຍພະນັກງານພາຍໃນຄະນະກໍາມະການ ເຂົ້າຮ່ວມກອງປະຊຸມປຶກສາຫາລືກ່ຽວກັບການສ້າງແຜນ ແລະ ການຈັດສັນງົບປະມານໃສ່ໂຄງການລົງທຶນຂອງລັດ ປີ 2023 (ດ້ວຍຮູບແບບທາງໄກ) ທີ່ຫ້ອງປະຊຸມທາງໄກຂອງສະພາປະຊາຊົນແຂວງ ໂດຍການເປັນປະທານຂອງ ທ່ານ ປອ. ສາຍທອງ ພົມມະວົງ ຫົວໜ້າກົມແຜນການ ແລະ ການລົງທຶນ, ກໍາມາທິການແຜນການ ການເງິນ ແລະ ການກວດສອບ ສະພາແຫ່ງຊາດ, ມີບັນດາທ່ານຕາງໜ້າຈາກຄະນະກໍາມະການເສດຖະກິດ ແຜນການ ແລະ ການເງິນ ປະຈໍາເຂດເລືອກຕັ້ງ ໃນຂອບເຂດທົ່ວປະເທດ ເຂົ້າຮ່ວມ.

ທີ່ປະຊຸມ ໄດ້ຮັບຟັງການລາຍງານໂດຍຫຍໍ້ ກ່ຽວກັບ ການຕິດຕາມກວດກາການສ້າງແຜນ ແລະ ການຈັດສັນງົບປະມານໃສ່ໂຄງການລົງທຶນຂອງລັດ ປີ 2023 ຈາກບັນດາຄະນະກໍາມະການເສດຖະກິດ ແຜນການ ແລະ ການເງິນ ປະຈໍາເຂດເລືອກຕັ້ງ ໃນຂອບເຂດທົ່ວປະເທດ. ຈາກນັ້ນ, ບັນດາທ່ານຜູ້ເຂົ້າຮ່ວມກອງປະຊຸມ ກໍ່ໄດ້ປະກອບຄໍາຄິດຄໍາເຫັນ ພ້ອມທັງມີຂໍ້ສະເໜີ ເພື່ອປຶກສາຫາລື, ແລກປ່ຽນ ແລະ ຊອກຫາວິທີແກ້ໄຂ ໃນການຈັດຕັ້ງປະຕິບັດໃນຕໍ່ໜ້າ

ພາບ-ຂ່າວ: ສຸນທອງ ວິໄລຈິດ