(ສພຊ) – ວັນທີ 1-3 ຕຸລາ 2024 ທ່ານ ຈັນທະວົງ ແສນອາມາດມົນຕີ ຮອງປະທານກໍາມາທິການການຕ່າງປະເທດ ແລະ ກອງເລຂາປະຈໍາການໄອປາ ໄດ້ຕ້ອນຮັບ ແລະ ພົບປະເຮັດວຽກກັບຄະນະຊ່ຽວຊານຈາກສະພາແຫ່ງຊາດ ສສ.ຫວຽດນາມ ນໍາໂດຍທ່ານ ໂດ່ນ ຕວັນ ຟ່ອງ (Đôn Tuấn Phong) ຮອງປະທານກໍາມາທິການການຕ່າງປະເທດ ເພື່ອປຶກສາຫາລື ແລະ ແລກປ່ຽນບົດຮຽນການເປັນເຈົ້າພາບຈັດກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ ຫຼື ໄອປາ (AIPA); ໃນໂອກາດດຽວກັນນີ້, ຄະນະຜູ້ແທນດັ່ງກ່າວ ຍັງໄດ້ເຮັດວຽກຮ່ວມກັບບັນດາຄະນະຮັບ ຜິດຊອບເນື້ອໃນກອງປະຊຸມໄອປາ-45 ເພື່ອປຶກສາຫາລື, ແລກປ່ຽນຄໍາຄິດຄໍາເຫັນ ແລະ ຖອດຖອນບົດຮຽນກ່ຽວກັບການກະກຽມເປັນເຈົ້າພາບກອງປະຊຸມໄອປາ ຄັ້ງທີ 45 ລວມທັງໝົດ 6 ກອງປະຊຸມຄື: ກອງປະຊຸມວຽກງານການເມືອງ, ກອງປະຊຸມວຽກງານເສດຖະກິດ, ກອງປະຊຸມວຽກງານສັງຄົມ, ກອງປະຊຸມວຽກງານສະມາຊິກລັດຖະສະພາເພດຍິງໄອປາ (WAIPA), ກອງປະຊຸມວຽກງານສະມາຊິກລັດຖະສະພາໜຸ່ມໄອປາ (YPA) ແລະ ກອງປະຊຸມຖະແຫຼງການຮ່ວມ.

(ນາງ ໄຊໂສພາພອນ ມິ່ງມຸງຄຸນ)