ໃນລະຫວ່າງວັນທີ 25 ຫາ 26 ກັນຍາ 2023 ຄະນະນຳກຳມາທິການການຕ່າງປະເທດ ນຳໂດຍທ່ານ ສັນຍາ ປຣະເສີດ  ກໍາມະການຄະນະປະຈໍາສະພາແຫ່ງຊາດ, ປະທານກໍາມາທິການການຕ່າງປະເທດ ສະພາແຫ່ງຊາດ ພ້ອມຄະນະ ໄດ້ລົງເຄື່ອນໄຫວຕິດຕາມ ກວດກາ ແລະ ເກັບກຳຂໍ້ມູນ ກ່ຽວກັບ ການຈັດຕັ້ງປະຕິບັດລັດຖະທຳມະນູນ ແລະ ກົດໝາຍ ໃນຂົງເຂດວຽກງານການຕ່າງປະເທດ ຢູ່ແຂວງສະຫວັນນະເຂດ ໂດຍການຕ້ອນຮັບ ແລະ ຮ່ວມເຄື່ອນໄຫວໃນຄັ້ງນີ້ ມີ ທ່ານ ກົງແກ້ວ ມີວໍລະຈັກ ຮອງເລຂາພັກແຂວງ, ປະທານຄະນະສະມາຊິກສະພາາແຫ່ງຊາດ ປະຈໍາເຂດເລືອກຕັ້ງທີ 13 ແຂວງສະຫັວນນະເຂດ, ປະທານສະພາປະຊາຊົນແຂວງ ພ້ອມຄະນະ ເຂົ້າຮ່ວມເຄື່ອນໄຫວຕິດຕາມ ກວດກາ.

ຈຸດປະສົງໃນການເຄື່ອນໄຫວ ກໍເພື່ອເປັນການຕິດຕາມ ກວດກາ ແລະ ເກັບກຳຂໍ້ມູນ ກ່ຽວກັບ ການຈັດຕັ້ງປະຕິບັດລັດຖະທຳມະນູນ ແລະ ກົດໝາຍ ໃນຂົງເຂດວຽກງານການຕ່າງປະເທດ ໂດຍເພາະແມ່ນ ສະພາບການຈັດຕັ້ງປະຕິບັດ ແລະ ການຄຸ້ມຄອງໂຄງການຊ່ວຍເຫຼືອລ້າ (ODA), ການລົງທຶນຂອງຕ່າງປະເທດ, ອົງການທີ່ບໍ່ຂຶ້ນກັບລັດຖະບານ (INGOs), ອົງການຈັດຕັ້ງທາງສັງຄົມຂອງຕ່າງປະເທດ (CSO) ຢູ່ພາຍໃນແຂວງ ທີ່ໄດ້ສົ່ງຜົນກະທົບໃນທາງບວກ ແລະ ທາງລົບ ຕໍ່ຊີວິດການເປັນຢູ່ຂອງປະຊາຊົນ ແລະ ວິທີແກ້ໄຂ; ການຄຸ້ມຄ້ອງໂຄງການຊ່ວຍເຫຼືອລ້າ, ບັນດາໂຄງການລົງທຶນຕ່າງໆ ຂອງ ສປ ຈີນ ແລະ ສສ ຫວຽດນາມ ພາຍໃນແຂວງ;  ສະພາບການກ່ຽວ ບັນຫາການຄຸ້ມຄອງຄົນຕ່າງປະເທດ ເຂົ້າ-ອອກເມືອງ ແບບຜິດກົດໝາຍ, ການຄຸ້ມຄອງຄົນຕ່າງດ້າວ ແລະ ແຮງງານຕ່າງປະເທດ ໃນໄລຍະຜ່ານມາ ແລະ ການແຕ່ງງານກັບຄົນຕ່າງປະເທດທີ່ຜິດກົດໝາຍ; ສະພາບການຕໍ່ຕ້ານ ແລະ ແກ້ໄຂບັນຫາຢາເສບຕິດ ແລະ ການຄ້າຂາຍທີ່ຜິດກົດໝາຍ ຕາມບໍລິເວນຊາຍແດນ, ການຄ້າມະນຸດ ໂດຍສະເພາະແມ່ຍິງ ແລະ ເດັກນ້ອຍ ແລະ ການເຄື່ອນໄຫວ ການຈັດຕັ້ງປະຕິບັດວຽກງານການຕ່າງປະເທດພາຍໃນແຂວງສະຫັວນນະເຂດ ເປັນການເກັບກຳຂໍ້ມູນ ເພື່ອລາຍງານຕໍ່ຄະນະປະຈຳສະພາແຫ່ງຊາດ ພ້ອມທັງສະເໜີລັດຖະບານ ເພື່ອຊອກຫາວິທີການແກ້ໄຂໃນຕໍ່ໜ້າ.

ຊຶ່ງໃນຕອນເຊົ້າວັນທີ 25 ກັນຍາ 2023 ຄະນະໄດ້ລົງເຄື່ອນໄຫວຕິດຕາມ, ກວດກາ ແລະ ເກັບກຳຂໍ້ມູນ ຢູ່ດ່ານສາກົນແດນສະຫວັນ ເມືອງເຊໂປນ ເພື່ອຮັບຟັງການລາຍງານສະພາບລວມໂດຍຫໍ້ຍ ຈາກຄະນະດ່ານສາກົນແດນສະຫວັນ ລວມທັງພາກສ່ວນທີ່ກ່ຽວຂ້ອງ. ນອກຈາກນີ້ ຍັງໄດ້ຢ້ຽມຢາມ ແລະ ຮັບຟັງການລາຍງານສະພາບລວມການຈັດຕັ້ງປະຕິວຽກງານການສຶກສາໃນໄລຍະຜ່ານມາ ຂອງວິທະຍາໄລ-ເຕັກນິກວິຊາຊີບ ແຂວງສະຫວັນນະເຂດ ວິທະຍາເຂດເຊໂປນຕື່ມອີກ ແລະ ໃນຕອນເຊົ້າວັນທີ 26 ກັນຍາ 2023 ທ່ານ ສັນຍາ ປຣະເສີດ   ພ້ອມຄະນະ ກໍໄດ້ເຂົ້າຢ້ຽມຂໍ່ານັບ ທ່ານ ບຸນໂຈມ ອຸບົນປະເສີດ ກຳມະການສູນກາງພັກ, ເລຂາຄະນະບໍລິຫານງານພັກແຂວງ ເຈົ້າແຂວງໆສະຫວັນນະເຂດ ເພື່ອແຈ້ງຈຸດປະສົງຂອງການລົງມາເຄື່ອນໄຫວໃນຄັ້ງນີ້,

ຈາກນັ້ນກໍໄດ້ເຂົ້າຮ່ວມກອງປະຊຸມກັບພາກສ່ວນທີ່ກ່ຽວຂ້ອງ ຢູ່ທີ່ຫ້ອງປະຊຸມສະພາປະຊາຊົນແຂວງ ຊຶ່ງໄດ້ຮັບຟັງການລາຍງານຈາກພະແນກການຕ່າງປະເທດແຂວງ; ພະແນກແຜນການ ແລະ ການລົງທຶນແຂວງ ແລະ ກອງບັນຊາການ ປກສ ແຂວງ ໃນການຈັດຕັ້ງປະຕິບັດການເຄື່ອນໄຫວວຽກງານຂອງແຕ່ລະພາກສ່ວນ ຕໍ່ກັບຂໍ້ສະດວກ ແລະ ຂໍ້ຫຸ້ຍງຍາກແນວໃດ

ຊຶ່ງທີ່ປະຊຸມໄດ້ມີການປຶກສາຫາລື ພ້ອມທັງປະກອບຄໍາຄິດ-ຄໍາເຫັນຢ່າງກົງໄປກົງມາ ໃນແຕ່ລະບັນຫາ ຊຶ່ງເປັນຂໍ້ມູນອັນສຳຄັນໃຫ້ແກ່ການລົງຕິດຕາມ ກວດກາ ແລະ ເກັບກໍາຂໍ້ມູນໃນຄັ້ງນີ້, ຕອນບ່າຍຂອງມື້ດຽວກັນ ທາງຄະນະໄດ້ຢ້ຽມຢາມ ຈຸດບໍລິການທ່າບົກ ຂອງບໍລິດສັດ ສະຫວັນປັກ ແຂວງສະຫັວນນະເຂດ ພ້ອມທັງຮັບຟັງການລາຍງານໂດຍສັງເຂບ ຂອງບໍລິສັດດັ່ງກ່າວຕື່ມອີກ.